影片
更多
2008-07-24
101 浏览
见到Yamm既食物好match我地既口味，所以一个月前已订左枱，亦好期待黎食‧‧‧而呢段期间都会上 openrice 睇下大家对佢既意见，总括而言都系话佢质素一般，但今晚食完之后证明我地黎Yamm系啱既！刺身：带子和牡丹虾都系好大只，牡丹虾好鲜味和弹牙；海胆无得顶，超鲜甜，我地repeat order左几次海胆，真系停唔到口！三文鱼，吞拿鱼，油金鱼，立鱼好新鲜，系正货，好食！海虾虽然唔及牡丹虾鲜甜，但都唔错；日本海鳗就多碎骨左 D！拖罗鱼生卷好细件，食唔出拖罗既肥美，而寿司饭都几好。天妇罗：即叫即炸热辣辣，炸粉簿簿的唔油腻。我地要左三样野：鲜虾大大只好弹牙，南瓜和露笋好香甜！冷盘海鲜：蟹脚和大虾好新鲜，蟹脚没有雪味；龙虾大只，肥美有膏，但不及蟹脚那样肉质鲜甜；生蚝有三款，即开的好鲜味又唔腥，最正系法国的，而其中一只法国生蚝里有一只仍会郁的蟹仔，证明D生蚝真系好新鲜呢！Parma Ham：机切薄身，但人手切既太厚身好难咬，味道咸淡适中，好味！铁板烧：烧鸟，澳洲牛柳腌得入味，烧得香；大虾，带子和银雪鱼烧完少了海鲜应有的鲜味，味道淡左 D！炉端烧：生蚝烧完无甘鲜甜，都系食生蚝正D；牛柳很嫩，
刺身：带子和牡丹虾都系好大只，牡丹虾好鲜味和弹牙；海胆无得顶，超鲜甜，我地repeat order左几次海胆，真系停唔到口！三文鱼，吞拿鱼，油金鱼，立鱼好新鲜，系正货，好食！海虾虽然唔及牡丹虾鲜甜，但都唔错；日本海鳗就多碎骨左 D！拖罗鱼生卷好细件，食唔出拖罗既肥美，而寿司饭都几好。
天妇罗：即叫即炸热辣辣，炸粉簿簿的唔油腻。我地要左三样野：鲜虾大大只好弹牙，南瓜和露笋好香甜！
冷盘海鲜：蟹脚和大虾好新鲜，蟹脚没有雪味；龙虾大只，肥美有膏，但不及蟹脚那样肉质鲜甜；生蚝有三款，即开的好鲜味又唔腥，最正系法国的，而其中一只法国生蚝里有一只仍会郁的蟹仔，证明D生蚝真系好新鲜呢！
Parma Ham：机切薄身，但人手切既太厚身好难咬，味道咸淡适中，好味！
铁板烧：烧鸟，澳洲牛柳腌得入味，烧得香；大虾，带子和银雪鱼烧完少了海鲜应有的鲜味，味道淡左 D！
炉端烧：生蚝烧完无甘鲜甜，都系食生蚝正D；牛柳很嫩，但少了烧肉那种扑鼻既肉香！
主菜：果木熏澳洲肉眼扒配香草红酒汁：肉眼扒颇juicy，但有根，而且唔觉有果木熏出既果香；日式魔鬼鱼杂菜烩：魔鬼鱼肉质鞋，没有一点鱼味，很差！另外，送既虾清汤闻落好鲜甜，但唔好饮，好似清虾汤加左D鼓油既味！
热盘：西班牙海鲜饭既饭太腍，完全无咬口，虽然个汁颇鲜味，但最重要既饭实在太失色了；马来西亚咖哩鸡既鸡都算滑，但无咩鸡味，咖哩唔够香；咖哩鱼既鱼肉鞋，咖哩都系唔够香；甜酸鱼既鱼肉又系鞋，甜酸酱唔醒胃野味；印度咖哩羊既羊肉炆得几腍，但个sauce淡左D，无印度香料味；印度薄饼唔热辣辣，而且靭，唔稣香！
小食：海胆豆腐的豆腐豆味香浓，好味；蟹子沙律无咩特别；冷面的面条唔够冻，捞面既sauce带唔出冷面既清新口感！Caesar Salad系即捞既，菜爽甜，沙律酱都几香！
甜品：大约有二十款甜品，味道一般，无咩惊喜，但又唔系难食，但我嫌呢度太多mousse口味既款式，食落口感差唔多。我会推介Tiramisu，很香浓的咖啡和洒味！雪糕有士多啤利和朱古力，士多啤利就酸酸地，我唔钟意；朱古力有好多朱古力薄碎，朱古力味好香浓，好好味！
至于一坐低就送上既面包就无咩特别好食，因为怕饱肚，所以只食左少少。
Yamm既刺身，冷盘海鲜，铁板烧，天妇罗和Parma Ham真系超正，绝对系正货，好少酒店会同一时间提供到甘正既贵价美食！对住甘正既美食，忍唔住order左一支白酒黎叹下呢！
呢度既热盘虽然唔得，但佢以上超正既刺身已系无敌selling points！环境好舒适，装修得好elegant。店员nice，有效率。我食食下呢度既总厨Eddy走过来提我唔好海胆雪糕一齐食，因为易肚痛，搅笑呢！
我好想再黎食啊！
张贴
