影片
更多
2023-09-26
135 浏览
元祖沾面专门店 一直都好钟意食海胆，见呢间有海胆沾面几特别所以决定去尝下鲜。 面方面，面质都算几烟靭弹牙。同埋算系比较粗嘅沾面。🍜味道方面，唔知系咪当日煮汤嘅比例问题，佢嘅汤都算几稀同淡味，外面嘅沾面通常都会比较浓味同杰，啲面通常沾一下就会好易挂到汤同入味。但呢到嘅汤就完全唔同，佢比较似将一个拉面分汤，如果真系想嘅面有味嘅话就可能要放啲面入汤到浸一阵，变返好似拉面咁食。海胆方面，佢嘅味道偏淡，唔太重海胆味。但有啲海胆就明显比较黑同多血丝，令到原本已经冇乜味嘅海胆变到几苦下。叉烧就系一旧好普通嘅叉烧，普通到冇乜好讲😂。海胆芝士汤🧀算食到有芝士味，但系由于个汤偏淡，所以唔算太有味。汤入面亦会有肉粒同海胆。肉粒都几𣺉，但会带啲细骨，食嘅时候可能要小心啲。而海胆就几特别下，由于佢汤入面嘅海胆系煮熟左嘅，佢嘅口感同味道同普通生嘅海胆都几唔同，佢会有啲似咸蛋黄嘅独特味道。同埋佢汤入面都有几旧海胆，所以海胆汤黎讲都算几有诚意。龙虾汤🦞龙虾汤味道相对就比较芝士海胆汤浓味少少，个人觉得比较夹。同埋佢嘅龙虾味都几出下，感觉有啲似平时食西餐饮到嘅龙虾汤味。 分量方面，佢面嘅分量都算几多，一般嘅成年男士都应该
一直都好钟意食海胆，见呢间有海胆沾面几特别所以决定去尝下鲜。
面方面，面质都算几烟靭弹牙。同埋算系比较粗嘅沾面。🍜
味道方面，唔知系咪当日煮汤嘅比例问题，佢嘅汤都算几稀同淡味，外面嘅沾面通常都会比较浓味同杰，啲面通常沾一下就会好易挂到汤同入味。但呢到嘅汤就完全唔同，佢比较似将一个拉面分汤，如果真系想嘅面有味嘅话就可能要放啲面入汤到浸一阵，变返好似拉面咁食。海胆方面，佢嘅味道偏淡，唔太重海胆味。但有啲海胆就明显比较黑同多血丝，令到原本已经冇乜味嘅海胆变到几苦下。叉烧就系一旧好普通嘅叉烧，普通到冇乜好讲😂。
海胆芝士汤🧀
算食到有芝士味，但系由于个汤偏淡，所以唔算太有味。汤入面亦会有肉粒同海胆。肉粒都几𣺉，但会带啲细骨，食嘅时候可能要小心啲。而海胆就几特别下，由于佢汤入面嘅海胆系煮熟左嘅，佢嘅口感同味道同普通生嘅海胆都几唔同，佢会有啲似咸蛋黄嘅独特味道。同埋佢汤入面都有几旧海胆，所以海胆汤黎讲都算几有诚意。
龙虾汤🦞
龙虾汤味道相对就比较芝士海胆汤浓味少少，个人觉得比较夹。同埋佢嘅龙虾味都几出下，感觉有啲似平时食西餐饮到嘅龙虾汤味。
分量方面，佢面嘅分量都算几多，一般嘅成年男士都应该够食。海胆就算系咁啦，百几蚊一板连埋个沾面同叉烧都唔会要求太多。汤嘅话就可以再加，仲会加返啲啱啱煮好嘅滖汤。不过可能就要预返佢煮汤嘅时间。
服务方面🤵♀️
唔知系唔系因为佢间铺系长条型再加少少弯，当日其实唔算太多客，但每次都要举劲耐手先有人行埋黎帮我地。除此之外，有一次叫左个男店员帮我地加汤，佢叫我哋等一阵之后就出咗去讲电话。讲完电话返嚟，就好似冇咗回事咁行咗入铺嘅最入面（一个我地睇唔到佢嘅地方），之后再冇理过我地。之后我哋好无奈咁再举左几分钟手先再有第二个店员行过嚟帮我地加拎只碗入厨房加汤。
Overall: 百几蚊一板海胆连沾面对海胆嘅要求都唔会太高。有系香港食开海胆嘅朋友可能都知，呢个价钱就食到嘅海胆九成都一系分量好少，一系就质素好参差。百几蚊黎讲CP值唔算太高，但如果想尝鲜嘅朋友可以一试。而佢其他嘅沾面个人觉得就偏贵，香港都有好多CP值更加高嘅沾面。 同埋佢店员嘅服务都需要改善，即使当日唔多客同埋店员都唔少嘅情况底下，佢地都冇办法顾及所有客人。
⭐️最值得一提嘅系，佢哋加价嘅速度快过火箭。早几个月喺网上面见到海胆沾面都只不过系$158 ，当日去到店门口见到已经加价加到$165。但系见一场嚟到都照入咗去食，点知入到去问店员先知已经加价加到$179。加得快到连店外面嘅menu都update唔切。除此之外佢menu上面大部分嘅野都有一定嘅加价。佢加价嘅速度仅次于食神入面嘅濑尿牛丸😂。
极上芝士海胆沾面 (原板海胆) $179
龙虾沾面 $89
味道:🌕🌕🌕🌑🌑
环境:🌕🌕🌕🌑🌑
分量:🌕🌕🌕🌕🌗
服务:🌗🌑🌑🌑🌑
CP值:🌕🌗🌑🌑🌑
Overall: 负皮🦮💩
加一服务费：✅
枱面俾嘅宇治抹茶需要收取$5/人
-
元祖沾面专门店 (尖沙咀)
尖沙咀厚福街5-6号多富阁地下5号舖
#dog尖沙咀
张贴
