影片
更多
2019-07-17
105 浏览
大树先生我估冇乜妈妈唔识，小朋友开始放暑假出面又热又落雨，去大树先生可以玩又可以食，所以一于带埋细佬一齐去，去到见到原来铜锣湾分店已经转左波波嘅颜色，紫色波波池系我最爱，反而我想即刻跳落去。哈哈！未玩之前都系要比小朋友食咗饭先，否则的话一玩起上嚟佢哋就唔使食，叫咗一个儿童餐比俩兄弟share，呢个猫样嘅饭非常吸引小朋友，入面酱汁系南瓜汁香香甜甜好好味，仲可以拣，鱼块、鸡扒或者炸虾，小朋友钟意食鸡扒，啖啖肉大口大口咁食。另外再叫多咗碟鸡翼比小朋友去，一碟鸡翼有五只，哥哥竟然一个人食咗四只，我帮工人姐姐就叫咗一个黑松露长通粉，意粉好大碟，一上枱已经有好香黑松露味，酱汁香浓，估唔到哥哥都好钟意食呢个意粉，佢食完自己个饭都仲可以食多一半呢碟意粉，就知道真心好味，好彩叫咗套餐，套餐有沙律同埋餐汤，工人姐姐唔大食所以佢话都够饱。同工人姐姐一齐嚟就系可以比自己抖下，陪玩工作交俾工人姐姐我净系负责影相，哈哈！所以我决定比自己食餐好嘅，叫咗个鹅肝牛柳，牛柳估唔到有两大旧，七成熟刚刚好，牛味浓郁，好耐冇食鹅肝，煎得啱啱好，好香但亦唔会好油。最后真系要赞下呢个水果茶，非常大杯，应该系一大瓶先啱，入面好足料好
未玩之前都系要比小朋友食咗饭先，否则的话一玩起上嚟佢哋就唔使食，叫咗一个儿童餐比俩兄弟share，呢个猫样嘅饭非常吸引小朋友，入面酱汁系南瓜汁香香甜甜好好味，仲可以拣，鱼块、鸡扒或者炸虾，小朋友钟意食鸡扒，啖啖肉大口大口咁食。
另外再叫多咗碟鸡翼比小朋友去，一碟鸡翼有五只，哥哥竟然一个人食咗四只，
我帮工人姐姐就叫咗一个黑松露长通粉，意粉好大碟，一上枱已经有好香黑松露味，酱汁香浓，估唔到哥哥都好钟意食呢个意粉，佢食完自己个饭都仲可以食多一半呢碟意粉，就知道真心好味，好彩叫咗套餐，套餐有沙律同埋餐汤，工人姐姐唔大食所以佢话都够饱。
同工人姐姐一齐嚟就系可以比自己抖下，陪玩工作交俾工人姐姐我净系负责影相，哈哈！所以我决定比自己食餐好嘅，叫咗个鹅肝牛柳，牛柳估唔到有两大旧，七成熟刚刚好，牛味浓郁，好耐冇食鹅肝，煎得啱啱好，好香但亦唔会好油。
最后真系要赞下呢个水果茶，非常大杯，应该系一大瓶先啱，入面好足料好多生果，水果茶唔会太甜，小朋友都可以饮，非常好味。
食完就梗系到小朋友嘅主菜，去玩嘅时候啦，见到佢哋玩得咁开心，呢度食物质素亦都系咁多间亲子餐厅之中数一数二咁好味，所以话大树先生非常受小朋友欢迎，长期受妈妈们热捧唔系无道理架呢！
张贴
