九五茶座 - 放宮樂園 (已結業)

一个价钱包3人餐又包个场玩一小时，其实都几抵，最紧要系小朋友玩得够哂尽兴之后，大家可以一齐座底慢慢叹杯野饮和野食。首先讲下最吸精的儿童餐啦！仔仔见到已经双眼BLING BLING 了， 有薯条鸡翼春卷又有两件吞拿鱼沙律酱三文治，岩哂岩岩玩完又肚饿的佢，因为野食太热气了，我为佢点了冻柠蜜，等佢滋润下。迷你焗肉酱意粉 ~ 加左好多芝士系面到焗超正。公司三文治，真系估佢唔到好足料超丰富上面仲有薯条，但因得我和仔仔食唔哂，所以打包了。