九五茶座 - 放宮樂園 (已結業)

偶爾也會於Megabox找吃，但這特色茶餐廳則光顧得比較少，無他，裝潢浮跨，部份角落在賣些無厘啦喂的東西，沒什興趣 …今天有同事說好久沒來了，於是便給它一個機會。我從那單點的菜單𥚃挑了個“焗豬排飯” ... 上菜時間合理，豬排夠嫩，但味道較淡，另茄汁偏甜，茄味、芝士味不足，汁水又有點多，於是那炒飯底就變得有點糊，影響了口感。總體來說，作為一個普通午餐碟頭飯，合格，但沒驚喜，也因為是單點，什麼飲料都沒有，性價比不高。

第一次食九五茶座，見佢個setting都幾得意，有一邊係裝修到懷舊冰室咁，另一邊就係冒險樂園咁，有D遊戲好似推幣機呀旋轉馬呀比小朋友玩。出便仲有個area 係賣野，有糖呀精品咁。weekend 黎到岩岩有tea 食，佢既下午茶時間係兩點開始，我揀左個芝士咸牛熱狗，朋友就要左個生炸雞比。見好多人都叫左特色三寶西多士，個樣都幾靚同埋好大份。個芝士咸牛熱狗係好街坊式咁既樣，有D overpriced, 反而個生炸雞比都幾好，炸得香脆之餘又惹味。

星期日 2點 黎到mega box 間間餐廳都樂多人排隊經過見到兒童樂園入面有間茶餐廳見價錢好抵食 仲要星期日都有下午茶即刻衝入去試試佢因為好肚餓我地3個人叫左 3份下午茶 再加份芝士撈公仔麵 試試依到下午茶份量都幾大份 幾抵食焗野仲要係即焗 熱辣辣個撈公仔麵同 雞批薯格因為太肚餓無影到😂 以40-50蚊價位黎講 係依個商場 算叫做好抵食加試環境幾特別 岩灑有小朋友既一家人黎食可以玩完黎做野又得特別一提 依到d熱飲超大杯我地叫左杯熱熱奶茶 係人地出面既1.5 size咁大整體來講好抵食

路過mega box, 其實真係好憎黎呢度，都估到啦早上11點30分已經要泊到去16樓，轉到頭到暈埋。仲要5／F 個停車場顯示牌唔生性壞Q，明明冇位又話仲有五個，搞到好多車衝入去。9樓食肆得兩間，呢間同壽司，壽司要等，呢間Cp高。加上呢間嘢好得意，入去幫襯順便打咭。不過唔收信用咭。叫左兩個all day breakfast, 好靚。菠蘿冰麻麻。咖哩牛肉麵竟有兩塊牛根，好開心份量都夠。急得制冇留意仲有冇懷舊嘢食。

牛肉份量夠, 但係有少少老同粉粉地; 面就彈身爽口, 汁唔係好食得出係咪沙公常定特餐沙牛面多士奄列不過不失順帶一提, 之前同一間食過白汁吞拿魚焗意粉, 非常後後悔

睇到報導有關這個懷舊樂園食肆。去到見到真係見返六七十年代懷舊設備。好多兒時玩樂遊戲設施，所有童年回憶返哂嚟。遊戲設施有藍球機、遊戲機、兒童駕車設備等。我揀咗係下午茶時間去食下午茶餐。環境好似六七十年前茶餐廳 Feel。點咗咖哩雞飯加杯熱朱。個咖哩汁好濃。加入白飯好好食。加埋個咖哩雞扒，咁就好正。個雞肉好彈牙。賣相滿分。熱朱古力太甜。個咖喱雞煮到好正宗咖喱風味。個餐$49。下午茶已屬中高價錢。

最近我老公發現一個可以吃喝玩樂的親子好地方在megabox9樓的放宮樂園最抵的就是那門票優惠平日才288元不是很多人，我們盡情暢玩遊戲包括用餐和1小時內任玩電子遊戲設施而用餐券可以在有效期內，下一次才使用看下游戲是否適合玩，是規定12歲以下兒童我們第2次去有些遊戲沒有開(我最喜歡的鬥快捕捉恐龍動物相片的機机，而我仔仔玩得很樂極忘形，我發覺我真是天生倒霉，擲彩虹什麼都不中，擲彩虹的職員很有禮貌啊😘而餐廳用舊式香港茶餐廳做主題突然之間很懷念以前舊茶樓伯伯養的鳥籠和舊式的卡位，也有一點我童年荔園的感覺我最喜歡吃公司三明治(比我弄的更好吃)雞蛋是一層層的，也有千島沙律醬，零舍開胃！🍅焗豬排飯也不錯，足夠我和老公分而我仔仔的兒童餐份量也很多又好味啊✈️仔仔第一次就食到飛機造型的飛機親子餐(包飲品)很開心，如果散叫才42元一個兒童餐真係好抵！

路經mega box搵朋友食飯，呢個商場啲嘢食出名就偏貴，揀左好耐，最後試一試呢一間九五茶座行入去首先經過一個區域係售賣精品嘅，貨品都幾有趣，我喺呢一度就唔劇透，等大家自己去感受一下。講真真係有少少去咗旅行嘅感覺，唔錯食物方面其實就真係同普通茶餐廳嘅選擇差不多，我同朋友分別選擇咗葡汁焗豬扒飯同埋咖喱炸魚飯份量都幾大，味道就中規中矩啦總結來講我係覺得唔值呢一個價錢，當然我都明白呢個商場嘅租金係比較貴，又一次證明喺香港地做生意真係辛苦。加油啦

早上見派街招，至尊焗肉醬意粉好似好掂。中午諗住食好少少，點知碟粉嚟到仲衰過大x活！料和肉醬極少，叫飮品要當餐計+$20。我冇心機影相，已列入黑名單！店舖的特色應該是似遊樂場！

早排小朋友係學校聽到同學仔去左九龍灣玩得好開心，係咁叫我追問下小朋友媽媽那個地方是在那，最後問到原來是九五茶座，佢地出左一個價錢包3人餐又包個場玩一小時，由於我地太餓了，所以就先嘆左野食先再玩。迷你焗肉醬意粉 @@好多肉醬意粉夠哂味公司三文治 @@材料好多有齊雞蛋，雞扒番茄芝士，個三文治焗得好香，中間仲要有好多薯條。架飛機兒童餐真係好正，小朋友見到嘩嘩聲， 有吞拿魚三文治，雞翼春卷薯條，食飽飽就開始放電。

放假帶埋小朋友嚟megabox見到呢間親子餐廳有得食又有得玩而且親子套餐嘅價錢好划算所以就決定入去試一下啦假日嘅親子套餐會員價係288蚊（ 入會要30蚊）包一個小食拼盤 一份三文治連薯條 一個豬扒飯或者肉醬意粉 同埋三杯飲品🍢 小食拼盤嘅炸物唔錯 係新鮮炸出嚟而且唔係太油🥪 公司三文治足料又大份🍚 仲有個焗豬扒飯都係即叫即焗而且唔係好咸 可能因為親子餐廳嘅關係我覺得呢度啲嘢食 普遍都比較清淡同新鮮！唔錯呀！因為有好多麵包仲有飯嘅關係（個飯唔記得影低）我覺得呢個餐夠3個大人食食飽就可以過隔離玩親子套餐包喺場內免費任玩電動遊戲一個鐘雖然個場唔係真係好大但係機種都算多除咗任玩電動遊戲之外佢另外仲包咗50個金幣 可以玩夾公仔機同擲彩虹真係又食又玩又有獎品拎走 抵到爛呀另外必須一提嘅係呢度嘅員工都好友善大人細路都玩得好開心

一個價錢包3人餐又包個場玩一小時，其實都幾抵，最緊要係小朋友玩得夠哂盡興之後，大家可以一齊座底慢慢嘆杯野飲和野食。首先講下最吸精的兒童餐啦！仔仔見到已經雙眼BLING BLING 了， 有薯條雞翼春卷又有兩件吞拿魚沙律醬三文治，岩哂岩岩玩完又肚餓的佢，因為野食太熱氣了，我為佢點了凍檸蜜，等佢滋潤下。迷你焗肉醬意粉 ~ 加左好多芝士係面到焗超正。公司三文治，真係估佢唔到好足料超豐富上面仲有薯條，但因得我和仔仔食唔哂，所以打包了。

平日路經這裡, 見門面寫著放宮樂園, 又有小型遊戲機和公仔, 以為是類似歡X天地或冒X樂園的遊樂場, 即使寫著九五茶座, 也只覺是打咭位, 沒想到堅有食物供應。茶座座位極為寬敞, 早餐配搭甚有彈性, 價格相宜。早餐: 自選三餸 $291) 雪菜肉絲 + 煙肉 + 蟹柳 + 通粉2) 熱檸檬菜蜜通粉彈牙, 沒有煮得過軟, 甚佳。煙肉有2片, 煮得甚為健康, 不是煎至焦脆的煮法, 味道不錯。雪菜肉絲和蟹柳味道中規中矩。檸檬菜蜜有檸檬4片, 有厚度, 有誠意。

#九龍灣美食 九五茶座喺MegaBox入邊都有茶餐廳仲要係懷舊嗰隻旁邊就是一個兒童天地有得夾公仔另一邊呢就係一個食茶餐廳嘅地方最緊要係個裝修扮懷舊有傳統嘅卡位可以着復古衫過嚟影一影相嘅但係呢個懷舊嘅查實都幾貴一個茶餐$60包左支裝維他奶又真係幾好食嘅個牛肉好鬆化再配左蔥花炒蛋同埋餐包好飽肚啊如果就咁食嘢有啲蝕所以呢應該要影一影相同埋呢度最好嘅地方就係坐得舒服係一個商場嘅環境都可以食到懷舊茶室真係唔錯嘅啱晒傾吓計講講舊時想當年😋

位於mega box的九五茶座, 一半係懷舊式士多茶餐廳, 有各式各樣的茶餐, 焗飯, 亦可以購買懷舊的零食小吃. 但餐廳的另一半係兒童樂園, 可以拋彩虹, 夾公仔等. 好適合一家大細黎嘆個下午茶兼放電好地方.必食推介 : 🤤 ~ 佢既表面同一般西多士係冇分別, 但一切開你就會明白佢究竟有幾邪惡🤣 多士入面夾住滿滿的芝士, 真係多到要爆出黎咁. 咬落去每一啖都係芝士, 真係好滿足呀😎 ❤店舖 : 💙地址 : 九龍灣mega box 9樓23號舖