蝦蝦燒

营业中

休息中

虾虾烧，自己夹自己烧，有得玩有得食，同屋企人、一大班朋友，情侣都好岩。一入座职员已经好贴心帮我地将虾放系炉上烧，同埋会讲解桌上各餐具既用途，包装纸巾上有更加有个教学，扫一扫就可以睇到不同食物要烧既时间系几耐，好贴心。除左生猛猛既大头虾可以任夹任食，餐厅仲会每人送上一串白鳝，将外皮烧得焦脆，肉质弹性，好正！另外，出面亦有各款海鲜，例如好新鲜既扇贝、生蚝、鱼、蚬等等，或其他肉类，如牛、鸡、烟鸭胸、汉堡扒等等、各款丸类、烧物，应有尽有！除此之外，仲有唔少调味，例如牛油同蒜蓉，放系海鲜上烧真系一流！想丰富点，可以加粉丝，或单独煮个乌冬又得😋饮品款式都不少，超过十款以上，样样都想试，选择困难症唔知点简😆😆甜品当然唔少得，雪糕口味众多，紧有一款岩食！虾虾烧环境干净卫生，店员都好帮忙，清理得勤快，会教我地点烧，依个价钱可以任食海鲜，同咁多款食物真系好抵！真系好推荐依间餐厅俾大家！