更多
2016-03-09
228 浏览
铜锣湾一向都好多新食肆开张果日经过见到呢间three dice kitchen话系玩分子料理而且set menu一个人都系$200所以就拿拿林book左黎试下讲起分子料理我个脑最快都系出左分子雪糕第2就系慢煮,第三就系贵夹唔饱我谂呢3个都系一般人对分子料理既睇法(好似D官夹硬话自己睇法=大部分人咁,哈哈)所以其实都抱住之后要去食老麦既心态黎试不过最后都几出乎意料Three Dice Kitchen间店都几细而且有一点大家要注意就系佢系要企系到食,无得坐既所以每次只可以容纳8个人左右去到就先系门口收银位比钱交左学费之后等大厨Ready就可以入去(交学费????睇落你就知)有汽清酒 / 有汽梅酒店员话个清酒几岩女仔饮,就听佢介绍拣左喇加左汽既清酒保留左原来既甜但酒味就会淡d,所以好易入口而梅酒D汽真系好劲就咁打开都会爆泡所以开果时记得要小心d可能我比较钟意饮d甜甜地既酒所以觉得清酒好饮d入到去每个同学仔都会有一份工具 (食具)系咪好有入lab做实验既感觉呢?*有汽作用*柚子醋浸日本温室蓄茄每道菜都用一种唔同既化学作用代表咁其实小公主系理科白痴大厨做讲解既时候,我都真系唔多明简单d黎讲就系加
果日经过见到呢间three dice kitchen
话系玩分子料理
而且set menu一个人都系$200
所以就拿拿林book左黎试下
第2就系慢煮,第三就系贵夹唔饱
我谂呢3个都系一般人对分子料理既睇法
(好似D官夹硬话自己睇法=大部分人咁,哈哈)
所以其实都抱住之后要去食老麦既心态黎试
不过最后都几出乎意料
而且有一点大家要注意
就系佢系要企系到食,无得坐既
所以每次只可以容纳8个人左右
去到就先系门口收银位比钱
交左学费之后等大厨Ready就可以入去
(交学费????睇落你就知)
店员话个清酒几岩女仔饮,就听佢介绍拣左喇
加左汽既清酒保留左原来既甜
但酒味就会淡d,所以好易入口
而梅酒D汽真系好劲
就咁打开都会爆泡
所以开果时记得要小心d
可能我比较钟意饮d甜甜地既酒
所以觉得清酒好饮d
系咪好有入lab做实验既感觉呢?
每道菜都用一种唔同既化学作用代表
咁其实小公主系理科白痴
大厨做讲解既时候,我都真系唔多明
柚子醋直接饮都唔会太酸
但就带起左蕃茄既甜味
因为加左CO2既源故,蕃茄食落去会有D汽
就好似可乐糖个心咁,有少少爆炸糖既感觉
用黎做个前菜又开胃又得意
大厨先拎左几盘水同埋哈密瓜酱出黎
但原来中间果两盘唔系普通既水
而系钙化水,大厨将哈密瓜酱放落钙化水到
本来液态既酱就会好似变魔术咁变成蛋黄
所以火腿上面既唔系蛋黄,系哈蜜瓜球黎架
所以大厨就叫我地记得一啖食哂
唔系就会爆汁架喇
味道方面都唔错,哈蜜瓜味好浓郁
同黑毛猪火腿既咸鲜好夹
如果就咁睇张相,大家估唔估到佢系酸忌廉
定会以为佢系一旧冰呢?
因为食分子雪糕都系用佢
大厨拎液态氮果时劲有气氛,哈哈
放埋烟三文鱼、薯仔粒系中间
就会放落去负190度既液态氮到做个快速冷冻
最后酸忌廉就会变成一开始见到既冷球喇
冻左既酸忌廉味道会比较淡
食落有d似雪糕,但就快溶d
永球面仲加左少少莳萝油 (dill oil)
令成个沙律更加有层次
椰菜花先慢煮再切粒
慢煮保存左椰菜花既口感同营养
本来见到d龙虾慕丝咁light
谂住个味都一定会好淡啦
但食左一啖就已经知道错左
龙虾比平日饮既龙虾汤更浓更鲜
两种唔同既口感互相配合
好食到我想问大厨要多杯
其实前面有好多食物都用左黎慢煮
而大厨都一一细心解释系用左几多度同煮左几耐
不过呢个挂住食既学生,真系无细心留意
大厨话60度系令蛋白质凝固既度数
所以61.5度就可以确保个鸡胸系熟
但同时唔会老或者鞋
点解会咁记得系因为我觉得佢地真系好用心
佢地真系了解唔同既食物既特质
绝对唔系得一知半解或未有gimmick先做分子料理
睇住d烟系个玻璃瓶入面其实几有神秘感
几分钟之后就可以打开
一打开果时,d 烟同rosemary既香味即时四散
视觉同嗅觉既效果都一流
而且唔似一般既烟熏好重味
反而系淡淡地咁吸哂入鸡肉到,好好食
大厨系个蒜香忌廉汁入面落左d秘密食材
所以忌廉经打发后都唔会变实而系起泡
(即系唔会变左平日食cake果d cream)
离远就已经可以闻到个蒜香味
高温下个饭面就会形成焦糖化
所以食果时会脆脆地,好似crème burlee个面咁
加埋D打起左既泡泡汁一齐食
个汁好Light唔会影响饭既口感
但又令个味道提升,抵赞
放入口真系唔驶点咬就溶
经过慢煮后d鲍汁入哂牛肉到
又嫩又滑又香
比10件我都可以即时KO
就系加左液化氮既波萝蛋白脆饼
咁系惊喜我等你地自己发掘,废时剧透
不过个惊喜搅到我地个个都喷哂气呀!
成餐饭虽然企足成个钟
但因为睇住大厨熟练既烹调同埋生动既讲解
所以真系一d都唔觉得支力或者闷
而且好欣赏呢间餐厅系设计menu时既用心
呢到绝对唔系为左哗众取宠或者搅d gimmick野黎吸引大家
而系真系有用心设计个menu同每个菜
好似佢地知道好多人觉得分子料理又细份又唔饱
所以特别系最后加个饭
又好似一开头用CO2去刺激你既味蕾
呢D都系佢地既用心同诚意
绝对推荐大家去一试!!!
温馨提示1: 去前记得book位,因为每一节得8个位架咋
温馨提示3: 当日个大厨外型几charm,可以留意下
张贴