高。牽心 (已結業)

尼日去左红磡开会，咁自不然同同事系尼附近食埋lunch。12点左右，红磡食肆周围都系人，所以我地要不停行，不停揾食肆。结果，行左大约15分钟，我地就俾尼间叫Go Inside & Friend 嘅食店吸引住。 因为佢啲台櫈全部都系用油彩画嘅，充满童真感。入到去之后，我先至知间野原来系支持聋哑人士嘅社企餐厅。班穿住黑衫嘅侍应虽然唔识听，唔识讲;不过佢地都好用心睇我地嘅口型。我好耐都无见过咁认真，咁好笑容嘅侍应。我最后order左一份香煎鸡排配红酒汁，另加$5配多份意粉。成个set lunch 只需要$60几蚊，但个餐一啲都唔求奇。鸡排好滑，个外皮煎得岩岩好，而啲粗薯块就非常香口唔油腻。配菜清爽好开胃。食完个lunch，我完全体会到，成间舖上下嘅真诚。我地得闲，真系要多支持尼啲良心社企。