淥鼎記

营业中

休息中

好耐之前试过喺呢间打边炉（另一间分店）不错，早两日喺网上有人介绍呢间有得食特色点心，好想试吓，于是今日决定食个中午饭，基本上中午唔使等位就入座了，到点嘢食嘅时候，发现点心选择不太多，咁都点下啲虾饺烧卖啦，个样好似好靓以及嗌咗其他点心，点心先后嚟到，个样就真系好靓喇，不过食落去净系感觉填饱咗个肚，冇好味嘅味道，虾饺冇虾味，肠粉剩系得粉皮嘅味（我要点余均益先食到落口），咁多样点心剩系得凤爪有酱汁味因为感觉食得不太愉快，所以对用餐要求都好似相对提高，就算点心食完，啲碟摆咗好耐都冇人收走。点咗8个点心（图示六个，唔记得影烧卖同碟菜），埋单盛惠$300，同老公行出门口嘅时候，同一感受表示，凡是不能只看外表题外话，本来系透过OpenRice book 咗三位（连埋朋友）最后因朋友临时来不到，去到餐厅同门口职员讲返嘅时候，佢话因为我唔够人数，要取消我OpenRice Booking，当我没有出席⋯（事实上我的确出席了）