Tommy Yummy (翡翠中心)

营业中

休息中

一直book mark咗。但系都冇嚟到。今日一朝早去咗食珍姐午餐。食完去大管睇霓虹灯，跟住再嚟叹番个下午茶。天气真系太热啦，要揾个地方叹吓凉下冷气，细看之下，就谂起去呢度。见到个甜品个芒果，就决定一定要嚟食🤭好彩嚟到都有位坐，餐厅都多人食。发现原来近窗边位都有冷气。之前一直以为佢对住条桥个位系冇冷气，原来都有下次要试吓坐𠮶度。环境舒适冷气足够。可以讲话坐得好舒服。咁啱被安排是梳化位。讲返食乜先，因为食咗午餐冇耐，其实都仲饱，所以叫咗最想食𠮶个芒果甜品。佢个顶除咗个芒果之外，入边仲有糯米饭㗎。卖相同味道都好，食左劲透心凉🤭一睇到有牛油果沙冰。点可以唔试，仲要真系有半只牛油果喺面😍😍仲有𠮶班兰泰式奶茶。卖相都系别致，当然味道都好啦。再睇到其他食客食嘅嘢。好想试，当时已经决定，下次一定要黎食其他主食，例如冬阴功汤嘅嘢🤭😍