Girlboss by Master Kama (已結業)

呢间坐位唔多，坐位都系开放式，唔系系个舖入面。见到多数黎食都系一家大细，所以d沙发都几污糟，好多食物碎，真系唔系好想坐。叫左个$138餐，意粉+沙律+一口牛+shake shake 薯条+鸡翼+窝夫，睇落真系好多野食咁，样样都可以试下。卖相都唔错，但个沙律会唔会细左少少呢，呢个份量，系拎黎伴碟架咋嘛。拣左黑松露意粉，闻落系有少少黑松露味，但食落就真系唔多觉。至于个shake shake 薯条，就真系期望过高，个粉一d味都冇，shake 唔shake 都差唔多。薯条特别之处，系唔系得薯仔条，仲有蕃薯条。反而成个餐最好食系个窝夫，即烤，香甜松脆。侍应原来落单时自动帮你落后上。未食完已经叫起得，但足足等左成廿几分钟，就系为左等一块得手掌心咁大既窝夫，就真系有d无奈啦。总括个餐都抵食既，都多野食，可惜唔包餐饮。但上菜就真系慢左d。呢个餐比较适合女士或小朋友，因为款式多，份量少，同埋少肉嘛。