新森林焗之專門店 (英皇道) (已結業)

返总公司上堂，约了好友食早餐，佢哋介绍呢间，其实呢间餐厅已经好耐，但唔知点解每次都系无拣到，同事好多时午饭过来食焗饭，今日因为佢哋早过我，事先传定餐牌比我拣定，然后我到达就可以即食！地方大，装修有特色，啲柱都做到好似树干，对应森林主题！我哋坐卡位，好阔落，地方干净！家乡鱼腐米粉：只可以讲米粉好粗嚡，好似胶带咁！唔好味，汤无乜味，鱼腐好普通嘅现成货！汤底无乜味，或啲米粉索唔到味！肠蛋餐包：外围煎蛋好老，中间蛋黄边嘅蛋白又唔熟，蛋黄完全唔熟！香肠系普通鸡肉肠，明显煎好放咗好耐！巢晒皮！味道正常！麦包松软，味道正常！热柠茶：好酸涩，唔好味！店员好爽手，但我哋其中一位朋友欠个汤通粉，追咗几个店员都未来！我成份餐到晒佢都未到（只系普通嘅火腿通粉，唔系制作需时啩？）不过我食唔晒个面包，问佢哋攞袋就好爽（比纸袋）