古琴雅苑 (太子集團中心)

营业中

休息中

同屋企人庆祝嚟左呢度食饭☺️好多唔同菜式既中菜，一坐低会有几款免费嘅开胃菜，之后我哋叫咗个拼盘，醉鸡略嫌唔够酒味，但系啲鸡切嘅部位都唔错，水晶肉都好好食，食落唔会太淡味，好健康既感觉，我仲食咗好多旧，鸡丝粉皮比较热闹碎，如果份量可以再多啲嘅话会更加好了！我哋系为咗扁皮鸭而过嚟食的，叫咗半只鸭，但系份量都好多五个人食都够食，但系个皮一笼就唔系好够，最后仲追加多左一笼皮。鸭既油脂味唔会过浓，一旧鸭又有肉嘅部份，亦都有皮同油脂味，连埋青瓜同埋其他配料加埋一齐食都唔错，价钱亦都合理。最后仲叫多咗一条鱼，虽然鱼肉味好新鲜，亦都好滑，但系有少少俾个酱盖过咗𠮶阵先嚟，但整体嚟讲都唔错。环境方面，当日系假日夜晚，餐厅非常之多人，侍应嘅数量都唔系好够，所以每次叫侍应泥都要俾少少耐性，但系佢哋嘅态度都好好！卫生方面还好，整体都是满意的。