芽莊越式料理

营业中

休息中

晚饭去左MOKO同几个朋友食饭，已经好多年冇食过越南菜，今次试下呢间芽庄，香港都好多分店，结果不负众望，好味。人多就可以叫多几个𩠌，春卷大家都话好好味，入味又脆，我自己就最钟意个炒饭，不过其他人就觉得比较干身，呢个炒饭好香，炒到干身，粒粒分明，至于虾竹蔗，我第一次食，用虾肉包著个竹蔗，一咬落竹蔗度就好多竹蔗汁，好甜，虾肉都好好味。至于薄饼，第一次见，薄过一般薄饼好多，不过比较难切，包著的肉有机会散晒，越南风格可能系咁。越式捞檬都好味，而且煮得几干净，我又食得放心，不过朋友话牛肉河的牛肉唔系太新鲜，粉同汤底就还可以，我觉得肉饼都好好味。其实一班FD开心去食野，难食极都有个谱，加上要求唔高，今餐已经超乎水准，除返开每人大约$180左右，可以接受。侍应都几好人，我地坐左阵都冇赶我地走，又有柜仔放袋，仲可以免费拎杯冰水(有冰)，我觉得服务水平都唔错，下次可以再去多次。