影片
更多
2021-02-22
86 浏览
衬住仲有得WFH ,lunch time就book 屋企附近既呢间韩烧试下平日下午1点左右，望落客人都算多，因为book左位所以唔洗等就入得饮品柜可能人手唔够，饮品fill唔满，但汽水、果汁、茶等罐装饮品等种类都有头轮先食左啲海鲜，呢间餐厅用手机自己落单，海鲜种类以午市$178加一呢个价钱黎讲都好丰富，有蚝、扇贝、鱿鱼、带子、海虾、青口等等。质素方面，个蚝我比佢好高分，鲜甜唔腥而且都好大只，食完再加单，两个人差唔多食左一打；扇贝、带子等都唔错，不过扇贝好快就卖哂，想再加单都冇。肉类方面，猪牛羊鸡都齐，种类花多眼乱，牛小排、牛柳粒、牛五花、牛舌、猪颈肉、猪五花、鸡脾肉、鸡柳肉、香草羊肉等等，黎到我都唔识分，不过整体黎讲d肉都新鲜，就算摆左一阵都唔见有好多血水出；特别个猪颈肉同牛五花值得一赞，猪颈肉爽弹得黎又唔会太油腻，牛五花入口淋滑，肥瘦适中，个人认为牛五花同猪颈肉系最出色既两款肉类。除左烧烤外，本身佢都有好多熟食提供，睇番以前d食评例如炸鸡、热食、甜品等今日都见唔到，同埋生既食物例如蔬菜都要自己用手机落单。店员入座前都同我地讲因为疫情关系，熟食都唔会以自助形式提供，都系以手机落单，所以
衬住仲有得WFH ,lunch time就book 屋企附近既呢间韩烧试下平日下午1点左右，望落客人都算多，因为book左位所以唔洗等就入得
饮品柜可能人手唔够，饮品fill唔满，但汽水、果汁、茶等罐装饮品等种类都有
头轮先食左啲海鲜，呢间餐厅用手机自己落单，海鲜种类以午市$178加一呢个价钱黎讲都好丰富，有蚝、扇贝、鱿鱼、带子、海虾、青口等等。质素方面，个蚝我比佢好高分，鲜甜唔腥而且都好大只，食完再加单，两个人差唔多食左一打；扇贝、带子等都唔错，不过扇贝好快就卖哂，想再加单都冇。
肉类方面，猪牛羊鸡都齐，种类花多眼乱，牛小排、牛柳粒、牛五花、牛舌、猪颈肉、猪五花、鸡脾肉、鸡柳肉、香草羊肉等等，黎到我都唔识分，不过整体黎讲d肉都新鲜，就算摆左一阵都唔见有好多血水出；特别个猪颈肉同牛五花值得一赞，猪颈肉爽弹得黎又唔会太油腻，牛五花入口淋滑，肥瘦适中，个人认为牛五花同猪颈肉系最出色既两款肉类。
除左烧烤外，本身佢都有好多熟食提供，睇番以前d食评例如炸鸡、热食、甜品等今日都见唔到，同埋生既食物例如蔬菜都要自己用手机落单。店员入座前都同我地讲因为疫情关系，熟食都唔会以自助形式提供，都系以手机落单，所以食物种类都少左好多，手可以落单既都得番炸鸡、饺子、汤等等。但饺子质素都绝不马夫，外皮炸都香脆，入面既馅都好饱满，美中不足既系后加单既炸鸡漏左单冇黎，但我地都有d饱所以都冇再追单。
埋单两个人连加一$356，以午市烧烤有咁多海鲜拣，同埋d肉类都好新鲜黎讲，呢个价钱绝对超值，希望下次再食𠮶阵可以试多d今次食唔到既野。
张贴
