蝦棧 (已搬遷) 新店位置

之前经过呢间虾栈都想试下，今晚同朋友谂去边食饭谂起就决定试下佢。睇下餐牌，虾煲都有10款咁多。我本身几钟意食辣觉得胡椒虾几吸引，不过朋友食唔到太辣就点左个奶油虾。奶油虾真系要赞！首先卖相摆得好整齐，奶油味好香，连啲洋葱都好好食好入味！仲要啲虾系非常鲜甜！之后我地都仲点左几样，油盐水鲜北寄贝，火焰雪山焗鲜鱼，蒜蓉炒冰菜同椰子雪糕。款款都无令人失望！由其火焰雪山焗鲜鱼真系有惊喜，上菜既时间店员先会帮你点火，有得睇又有得食！条鱼焗得好好食，一啲都唔鞋！好滑好新鲜！如果黎呢到一定要试！油盐水鲜北寄贝好大只，呢款就清淡啲，主要食北寄贝既鲜味。冰菜我谂唔系间间餐厅都会有，所以我哋都叫咗黎试吓，口感都比较特别，不妨一试。最后配搭珍珠奶茶同埋椰子雪糕，椰子雪糕系好特别嘅，佢用返原本嘅椰子壳做底，用椰水做雪糕，好好味！