輝哥私房菜 (已結業)

今日同同事收咗工过咗嚟呢间打边炉，平时去开呢条街食开野，但真系冇留意到呢间舖，好似隐细手私房菜甘！我哋有三个人食，叫嘅𩠌唔算太多啱啱好食晒！三个人埋单1000四百几！佢仲好好人送咗一张会员卡俾我哋！首先我哋嘅汤底系猪骨汤底，猪骨汤底来讲都算足料㗎，未食都已经闻到左好浓郁嘅猪骨汤味！打边炉梗系唔少得响铃啦！佢啲响铃真系冇得顶！十分之香口，侍应话佢哋呢啲响铃系新鲜炸出嚟㗎！十分之用心！平时食米线都好钟意食鱼腐，今次口痕都叫咗一碟嚟食！佢真系好大旧！平时食开个啲比较薄身啲！但系佢呢个唔单只大件又好食！朋友叫咗一个美国桶蚝，一食就知好新鲜！钟意食海鲜嘅你一定要嗌！另外仲叫咗白萝卜同埋猪肠粉！萝卜好鲜甜呀！咁大个女都系第一次食咁大粒嘅云吞！真系想讲好足料！！我哋仲叫完又叫！行开行埋可以过嚟呢间火锅私房菜帮衬下！朋友见我推介完之后仲借咗我张会员卡去咗食，话我冇介绍错！