專業咖喱皇 (已結業)

今日下昼嚟呢度试吓佢哋嘅亁咖喱，一去到望吓个menu，发觉有好多款咖喱，价钱都唔平，平均要成六十几蚊，无所谓la...叫咗印度干牛脷，上碟后一看，睇见D干咖喱满满铺响D牛脷上，奇怪嘅系另有一小碗嘅咖喱汁跟饭上，我谂可能系方便要捞饭la，但似乎有D多此一举lor..先试食一啖个咖喱汁，太辣，味道似普通港式咖喱，平平无奇，跟住试个干咖喱，哗，呢个就乖乖得了la，感觉先系有D咸咸酸酸，心谂都唔系好辣je...点知过多几秒，一股辣味忽然涌至，十分之呛喉，忍唔住咳咗一声。之后越食越辣，连D牛脷系乜味都搅唔清，净系知D牛脷好淰，过无乜咬口。睇清楚D咖喱，见到有好多黑胡椒粒，唔怪之得咁呛喉la..查实我已经order中辣gar la，都搅成咁。眼见隔离枱有一中年人及年青人，都食到满头大汗，食到一半都顶唔顺要埋单，我己经好叻la...食完之后即刻去七仔买盒鲜奶解辣，但个胃成晚都因此搅到唔系咁舒服...