六両三

营业中

休息中

最近劲多人去旅行，同朋友倾开都好挂住台湾，佢就尖沙咀有间台菜好好食，我未试过更系跟佢见识下。原来系系北京道附近，叫六両三既舖头。因为好少经开呢头，所以一直都唔知有呢间野。 佢个舖面已经好吸引，好有特色似日式小店。 入到去更加有亲切感，舖头细细但好温暖既感觉。 见佢餐牌都唔系好多野简个种，而系麻雀虽少五脏俱全既。 最重要系价钱都好大众化，份量又够。 我地点左个麻辣干拌面，再叫几个小食。 佢既拌面真系好可口，唔会太稔，而且麻辣味好开胃，唔会好似大陆既死辣。 小食就叫左凉拌小黄瓜，凉拌麻辣牛腱头麻辣鸭血豆腐，卤肉青菜，麻辣猪大肠。 哗，因为挂住台湾既美食就忍唔住系咁叫，而佢既野食都真系好好食，卤水味好香又唔会太咸，而且卤肉有炒过，所以唔觉好肥。 最后再叫左冬瓜茶同荔枝乌龙茶，超好饮。 真系好正既台菜店。