SHADI

营业中

休息中

餐厅：SHADI地点：土瓜湾餐牌：Shawarma、汉堡包、Pizza、热狗、鸡翼、薯条单层安格斯牛堡 $65用大大支竹签固定，面头个包好脆又松软，下底系洋葱同青瓜加丰富酱汁，好够味。下底系两片新鲜蕃茄片，一片热熔芝士，一片脆皮咸香牛肉扒，生菜加丰富酱汁同底层面包。个汉堡大个到我要分层食，酱汁丰富唔会干。辣肉肠薄饼 $75薄饼系6吋手制薄饼，一客切好4大件，热辣辣！每片都有一片辣肉肠，面头有好多马苏里拉芝士，加有番茄酱喺薄饼边，再加上香草。口感烟韧又脆口，仲有㶶边，芝士够多，正！薯条 $25粗身薯条用纸盒上枱，热辣辣炸起，已经跟有伴有一小兜茄汁，够饱肚。汽水$10再加一罐汽水解渴。呢度薄饼真系好食。小店入面有7个位，外卖都方便。