朱敏記桑拿菜 (已結業)

第一次去食 本生见咁多明星撑场 都好期待 但啲野食真系好好好难食呀！先讲环境 我食野都唔太睇装修 觉得好食就得 但好大问题系 个日未到八点 已经好多人系室内食烟！咁我带唔带小朋友 老人家去食好呢？好啦 讲服务！态度其实冇乜问题 但啲员工好明显做唔到野 点菜又记唔住菜名 上菜又上错！讲最大问题既野食！又细份又贵！仲要极难食！仲要等好耐都未上菜！3个人叫左6个𩠌都竟然食唔饱！辣子鸡冇味又唔辣！炒花甲得个壳！成餐饭食左一个钟！有九个字都用黎等野食架！呢间野真系好离谱！永远唔会再去！