影片
更多
2020-11-21
1412 浏览
有时餐厅要受欢迎，唔驶做咁多花巧野，一、两样食物突出就可以留住顾客个心，呢间就系其中表表者。中学师弟公司系湾仔，佢介绍食呢间楼上舖。系地下完全唔知上面有餐厅，入到去系茶餐厅宽敞版，无乜特别。打开餐牌，第二页写住烧春鸡篮，咦，好耐未见过呢个𩠌，不如叫黎试吓，点知一试难忘！首先来餐汤罗宋汤，正宗港式味道，材料好丰富，偏酸少少，但可以接受，又唔会太浠，味道已经好唔错。饮紧汤之际，春鸡篮已到。半只鸡好大，外型讨好，又热腾腾，新鲜整起。戴上手套，首先撕开鸡髀。哗！鸡油鸡汁好似泉水咁爆泻出来，鸡肉滑到一个点，又有鸡味，腌得个味啱啱好，唔过咸，关键部位鸡胸肉唔嚡唔硬，非常好！但最重点系鸡皮，脆、薄、香，差唔多系炸子鸡个level，劲呀！简单来讲，就系四个字：皮脆肉嫰！半只大鸡，配饭/意粉/薯菜，只盛惠70元，性价比高过IFC，完胜唔少韩式/台式/美式炸鸡或烧鸡，特别系炸粉厚过块面皮𠮶啲！钟意食饭嘅人会好满足咁捧住个肚走，唔钟意食鸡嘅会惊叹香港仲有好鸡食。多谢细佬，非常好介绍，强烈推荐！
中学师弟公司系湾仔，佢介绍食呢间楼上舖。系地下完全唔知上面有餐厅，入到去系茶餐厅宽敞版，无乜特别。打开餐牌，第二页写住烧春鸡篮，咦，好耐未见过呢个𩠌，不如叫黎试吓，点知一试难忘！
首先来餐汤罗宋汤，正宗港式味道，材料好丰富，偏酸少少，但可以接受，又唔会太浠，味道已经好唔错。
饮紧汤之际，春鸡篮已到。半只鸡好大，外型讨好，又热腾腾，新鲜整起。戴上手套，首先撕开鸡髀。哗！鸡油鸡汁好似泉水咁爆泻出来，鸡肉滑到一个点，又有鸡味，腌得个味啱啱好，唔过咸，关键部位鸡胸肉唔嚡唔硬，非常好！但最重点系鸡皮，脆、薄、香，差唔多系炸子鸡个level，劲呀！简单来讲，就系四个字：皮脆肉嫰！
半只大鸡，配饭/意粉/薯菜，只盛惠70元，性价比高过IFC，完胜唔少韩式/台式/美式炸鸡或烧鸡，特别系炸粉厚过块面皮𠮶啲！钟意食饭嘅人会好满足咁捧住个肚走，唔钟意食鸡嘅会惊叹香港仲有好鸡食。
多谢细佬，非常好介绍，强烈推荐！
张贴
