梵日本焼鳥

营业中

休息中

同老公兴致勃勃想食串烧，但系心目中想食𠮶间无位，所以行咗嚟厚福街见到呢间装修唔错就试吓。由于我哋冇book位，所以亦冇靓位坐，只系对住吧枱嘅一个角落，前面全部系酒樽。我哋觉得都唔紧要，只要嘢食好味就OK。我哋叫咗两份omakase 串烧set, 一份鹅肝同一份牛舌，再加一支Riesling。另外仲有每人一份嘅钱财菜，店员放低冇介绍，我亦唔记得影相，所以唔记得系咩嚟。我印象中系仲有一碟秋葵，烧鳗鱼但系我唔记得影相，因为真系食到好冇心机。碟秋葵其实都系用水煮完再烧下个表面，我唔明点解食串烧咁多样嘢都系用水煮，究竟系人手唔够定系一向嘅作风？我哋叫𠮶支白酒其实我都睇住佢喺个酒柜度拎出嚟嘅，不过饮落口其实根本唔符合白酒应有嘅温度，原本个店员仲谂住就咁放喺枱面俾我哋，但我哋叫佢再说一说佢就加咗个冰桶俾我哋，间餐厅服务其实正常，只系食物质素同个环境唔系好夹，有少少期望过高，所以都几失望。