マヌル屋

营业中

休息中

睇咗ig介绍好吸引即日走去试，1900去到都有好多人排，好彩门口都有风吹，冇咁热，不过都等咗45分钟先入到。入到去见到装修几靓，有可爱猫猫摆设。好快碗面就到，首先梗系试啖汤，哗哗哗，好难饮，有阵猪骚味同味精味但明明系鸡白汤，唔知点解有猪骚味。个面仲一大阵枧水味，好难食。而鸡肉都算可以，冇乜味，尚算嫰滑。另外仲加咗只蛋，只蛋算正常。我朋友就食咗黑蒜味，食落似出前一丁黑蒜味咁。不过最惨系，到半夜就个肚劲痛，疴咗几次。