和牛燒肉‧純

终于到左周末，必备既节目就梗系周围揾好野食啦。谂起好耐都无食烧肉，一于就同朋友中午黎依度食返餐靓靓烧肉先。 依排天气转凉，食烧肉真系岩哂。中午黎到都有唔少人已经烧紧，打开份menu，中午既lunch set 都好抵食，由100蚊左右到200元左右的套餐都有，就算唔烧肉都有寿喜烧，款式几多而且价钱都好吸引。睇完之后，我朋友点了三色和牛定食，我就点了自选烧肉午餐。 点完餐之后过左无几耐，服务员就拿了前菜来，有沙律及熟牛舌片，再加一碗面豉汤。 跟住主菜终于到啦，依set系我既自选烧肉午餐，上面个四片系牛舌，左下角系牛红肉，隔离系牛胸外腹。牛红肉同牛胸外腹系有酱肉调过味。 至于我朋友既三色和牛定食，左至右就系上牛排肉、肩眼肉及牛排肉。和牛色泽鲜美，油脂分布平均，望到都流口水。 整反张团体照先。 跟住就开始烧啦，烧完一边到第二边，炉面唔易痴住块牛，唔错。首先烧和牛先，牛香而且肥美，但因为无咩调味的关系，可以适量加一些盐或黑椒调味。跟住就烧我既自选烧肉餐既牛红肉，因为调过味的关系，烧完唔使再点酱就够味。 套餐仲包埋两杯餐饮，加一之后每位都系250元左右，中午抵食之选！