香港鴻興隆中華菜館 (已結業)

前几日同几个朋友黎试呢间新开嘅中菜馆，尖沙咀A2岀口一岀就系，都几易揾。入到去装饰都几浓厚传统中国文化气氛，古色古香都几好feel。我地见个餐牌都几多特色野，就点几样嘢试。我地叫左松子鱼，清炒莴笋，拔丝草莓，炸酱面同，四喜丸子。先讲讲条松子鱼，好大碟，净系睇个卖相已经好得。口感更加不得了，外面脆到chok chok声，但鱼肉又软又滑，加上啲酸甜汁，真系好好食，真心推介。令一推荐就系四喜丸子，虽然得四粒，但粒粒都好大粒。咁大粒都充满肉感，一d都唔粉。而最抢眼一定系佢丸子嘅酱汁，攞黎送饭真系一绝。拔丝草莓我就第一次试，卖相十分特岀，影相呃like之选。糖丝同糖浆都好脆口，加上甜甜士多啤梨，口感都好丰富，系一味几好嘅饭后甜品。食完结论系都几推荐大家去试，试左几道𩠌都觉得师傅做菜好用心，好花功夫，味道亦都好好。餐牌上仲有好多特色野想试，酸菜鱼，水煮牛，手丝鸡等等。下次再去试吓。