影片
更多
2021-03-25
575 浏览
（主要想讲今次帮衬有少少唔愉快嘅经历，但都讲讲食物啦）因为就快转工，之后就好难嚟到呢度食，所以今个星期足足嚟咗两次。早两日就食咗个蒜泥牛𦟌，觉得牛𦟌可以整到无膻味都唔系个个做到，总之就正今次放lunch时间过嚟食返个最钟意嘅口水鸡刀削面，加多份红油抄手，但未入坐就已经有啲唔好嘅经历。侍应带咗我去坐一个最埋边嘅吧枱位但枱底已经放咗一盆生嘅白菜喺度，右边有几包面粉叠喺度。所以食嘅时候会坐得好唔舒服同会好惊污糟，膝头会顶到应一应。结果我衫袖真系沾到面粉。同埋呢个位近雪柜，员工成日需要开雪柜攞饮品，所以个身会成日掂到我，同埋大力闩雪柜时会有一大阵生嘅葱味扑过嚟 😖因为唔想同侍应过唔去，我都无主动要求调位，但我觉得员工先有责任确保呢个位系坐得舒服，或者如果真系无位放货物都应该临时唔开呢个位畀客人坐。侍应之间都有少少口角。可能因为老板要忙另一间舖，无喺度坐阵所以管理上就有呢啲小问题出咗嚟。同埋侍应人数应该有少少唔够。我会行咁远过嚟食（距离返工地点20分钟）系因为我觉得呢间良心小店值得支持，但希望呢啲细节位可以改善啦最后，到找数时我先发觉身上无现金，八达通唔够钱，收银叫我自己出去搞掂先返嚟找数。呢啲
因为就快转工，之后就好难嚟到呢度食，所以今个星期足足嚟咗两次。
早两日就食咗个蒜泥牛𦟌，觉得牛𦟌可以整到无膻味都唔系个个做到，总之就正
今次放lunch时间过嚟食返个最钟意嘅口水鸡刀削面，加多份红油抄手，但未入坐就已经有啲唔好嘅经历。侍应带咗我去坐一个最埋边嘅吧枱位但枱底已经放咗一盆生嘅白菜喺度，右边有几包面粉叠喺度。所以食嘅时候会坐得好唔舒服同会好惊污糟，膝头会顶到应一应。结果我衫袖真系沾到面粉。同埋呢个位近雪柜，员工成日需要开雪柜攞饮品，所以个身会成日掂到我，同埋大力闩雪柜时会有一大阵生嘅葱味扑过嚟 😖
因为唔想同侍应过唔去，我都无主动要求调位，但我觉得员工先有责任确保呢个位系坐得舒服，或者如果真系无位放货物都应该临时唔开呢个位畀客人坐。侍应之间都有少少口角。可能因为老板要忙另一间舖，无喺度坐阵所以管理上就有呢啲小问题出咗嚟。同埋侍应人数应该有少少唔够。
我会行咁远过嚟食（距离返工地点20分钟）系因为我觉得呢间良心小店值得支持，但希望呢啲细节位可以改善啦
最后，到找数时我先发觉身上无现金，八达通唔够钱，收银叫我自己出去搞掂先返嚟找数。呢啲都算系小店先有嘅宽容
张贴
