影片
更多
2025-01-01
1214 浏览
旺角区打边炉嘅餐厅一大堆，大部分都系主打食牛，呢间新开嘅就特别啲，主打食羊仲要系蒙古顶级羊肉。店嘅装修比我嘅印象系香港大排档混合咗工业风，空间够晒大俾人一种好舒适嘅感觉。卜卜蚬浓汤锅汤底拣咗蚬浓汤，汤料有蚬、红枣、杞子、豆腐同皮蛋，口味十分鲜甜，滚到最尾都保持到唔会越嚟越咸，忍唔住饮咗几碗。三款店员大力推介嘅羊肉，各有特式而最重要系几乎完全食唔出有膻味，平常唔食羊嘅都啱食。百日羔羊肉-肉味最重嘅一款，入口口感够软身。顶级羊上脑肉-肥瘦均匀，脂肪比较平均嘅部份，肉味够之余多咗一阵奶香味，几特别。特级高钙肉-肉味介乎于系羔羊肉同羊上脑之间，都系有阵阵奶香味，但肉嘅边边会有软骨，食落更爽口。油麦菜、娃娃菜、马铃薯、响铃3款蔬菜都食得出非常之新鲜，其中油麦菜嘅清甜更系同汤底好夹，而平常要滚好耐先熟嘅马铃薯，可能因为铜锅设计嘅关系热度够集中熟得好快，呢样我觉得好加分👍🏻。咩记打边炉 (旺角)旺角通菜街61号德发大厦2楼
店嘅装修比我嘅印象系香港大排档混合咗工业风，空间够晒大俾人一种好舒适嘅感觉。
卜卜蚬浓汤锅
汤底拣咗蚬浓汤，汤料有蚬、红枣、杞子、豆腐同皮蛋，口味十分鲜甜，滚到最尾都保持到唔会越嚟越咸，忍唔住饮咗几碗。
三款店员大力推介嘅羊肉，各有特式而最重要系几乎完全食唔出有膻味，平常唔食羊嘅都啱食。
百日羔羊肉-肉味最重嘅一款，入口口感够软身。
顶级羊上脑肉-肥瘦均匀，脂肪比较平均嘅部份，肉味够之余多咗一阵奶香味，几特别。
特级高钙肉-肉味介乎于系羔羊肉同羊上脑之间，都系有阵阵奶香味，但肉嘅边边会有软骨，食落更爽口。
油麦菜、娃娃菜、马铃薯、响铃
3款蔬菜都食得出非常之新鲜，其中油麦菜嘅清甜更系同汤底好夹，而平常要滚好耐先熟嘅马铃薯，可能因为铜锅设计嘅关系热度够集中熟得好快，呢样我觉得好加分👍🏻。
咩记打边炉 (旺角)
旺角通菜街61号德发大厦2楼
张贴
