影片
更多
2024-10-26
296 浏览
如果喺太古坊附近番工，都会发现有间极高人气嘅泰国菜，日日lunch hour都逼爆…“阿叔泰面Asok Thai Noodle”主打泰国船面和其他泰国街头食物，Asok餐厅嘅面积唔算大，但佢嘅signature dish都好高人气，包括”阿叔牛肉船面”、”虾功伴饭”、冻饮”泰式绿奶茶”等。午餐时段会抵食啲，除咗包嘢饮，部分菜式会比晚市平少少。另外佢唔收加一，同样系优点。阿叔牛肉船面 (lunch $88连饮品)呢度嘅signature。多料 (牛肉外仲有花生猪皮等)，汤味浓而不渴，最适合就系衬烟烟韧韧嘅金边粉。虾功伴饭 (lunch $128连饮品)呢度嘅隐藏绝技。好多只鲜甜弹牙嘅大虾，连同极鲜味嘅咸蛋黄蟹黄酱，食落去好有咸香，用嚟捞饭，唔使形容啦啩？泰式绿奶茶 (lunch set +$12)Matcha Latte饮得多，但用绿茶叶冲嘅奶昔奶茶就比较罕见。饮落有啲泰式奶茶嘅甜味，但同时有绿茶嘅茶叶味，几特别，外形都讨好。炭烧猪颈肉 (lunch set +$25)Lunch set加少少钱就有嘅小食，份量一啲都唔少，而且每一件猪颈肉都大件，炭烧味唔错。佢本身跟咗个甜酸汁，不过个人觉
“阿叔泰面Asok Thai Noodle”
主打泰国船面和其他泰国街头食物，Asok餐厅嘅面积唔算大，但佢嘅signature dish都好高人气，包括”阿叔牛肉船面”、”虾功伴饭”、冻饮”泰式绿奶茶”等。午餐时段会抵食啲，除咗包嘢饮，部分菜式会比晚市平少少。另外佢唔收加一，同样系优点。
阿叔牛肉船面 (lunch $88连饮品)
呢度嘅signature。多料 (牛肉外仲有花生猪皮等)，汤味浓而不渴，最适合就系衬烟烟韧韧嘅金边粉。
虾功伴饭 (lunch $128连饮品)
呢度嘅隐藏绝技。好多只鲜甜弹牙嘅大虾，连同极鲜味嘅咸蛋黄蟹黄酱，食落去好有咸香，用嚟捞饭，唔使形容啦啩？
泰式绿奶茶 (lunch set +$12)
Matcha Latte饮得多，但用绿茶叶冲嘅奶昔奶茶就比较罕见。饮落有啲泰式奶茶嘅甜味，但同时有绿茶嘅茶叶味，几特别，外形都讨好。
炭烧猪颈肉 (lunch set +$25)
Lunch set加少少钱就有嘅小食，份量一啲都唔少，而且每一件猪颈肉都大件，炭烧味唔错。佢本身跟咗个甜酸汁，不过个人觉得跟泰式串烧会仲好。
芒果糯米饭 (lunch set +$30)
相对细碗嘅甜品，但芒果够甜。饭够热，椰汁够香，当做个小型甜品还可以。
加埋加埋，都系150一位落楼，而且饱到非常，物值相当唔错，难怪日日排长龙。不过要留意有啲菜式如”椰汁斑斓糕”要晚市先有。
张贴
