影片
更多
2020-09-13
762 浏览
喺网上认识呢间食肆，老板系个有心人每逢初一十五会免费派斋饭畀长者。因为这个平台的使用者对这间食肆的评价也相当之高，所以专程来此一试。位置唔显眼，但好嘅食物质素就可以维持一班熟客，呢个系好嘅经营之道。店里面环境比较挤迫，如果唔系有防疫措施，坐满人真系要走过通道都有困难。但系一般街坊生意茶记食饱就走，其实就冇乜所谓，对环境要求无需太高，反而食物质素重要。餐牌都系一般茶餐厅嘅炒粉面饭，冇乜特别。我好钟意用下午茶时段去测试餐厅嘅品质，因为份量比较少可以走多两转去其他食肆试其他嘢，价钱又比较便宜。今次叫咗呢个下午茶餐有一小碟嘅豆腐鱼柳饭，同一杯热饮奶茶，盛惠38大元。分量对大男人来讲可能会有啲唔够，各位师兄自己考虑。我讲过我反而钟意佢细所以就冇所谓，好味最重要。碟饭冇令我失望呀，豆腐咬开软滑新鲜有豆味。最欣赏个咖啡色茨汁，做到有好清香嘅蚝油味之外，唔会死咸或者油腻腻，厨师再加几条新鲜嘅葱去吊一吊味，真正做到色香味俱全兼夹有镬气。鱼柳讲真就麻麻，炸皮比较厚，而且食得出有味精。奶茶免费送嘅，唔系最好最细滑顺喉果只，但系绝对见得人，好多其他茶餐厅嘅$20杯都未必有咁嘅水平，呢杯绝对收货。
喺网上认识呢间食肆，老板系个有心人每逢初一十五会免费派斋饭畀长者。因为这个平台的使用者对这间食肆的评价也相当之高，所以专程来此一试。位置唔显眼，但好嘅食物质素就可以维持一班熟客，呢个系好嘅经营之道。
店里面环境比较挤迫，如果唔系有防疫措施，坐满人真系要走过通道都有困难。但系一般街坊生意茶记食饱就走，其实就冇乜所谓，对环境要求无需太高，反而食物质素重要。
餐牌都系一般茶餐厅嘅炒粉面饭，冇乜特别。我好钟意用下午茶时段去测试餐厅嘅品质，因为份量比较少可以走多两转去其他食肆试其他嘢，价钱又比较便宜。
今次叫咗呢个下午茶餐有一小碟嘅豆腐鱼柳饭，同一杯热饮奶茶，盛惠38大元。分量对大男人来讲可能会有啲唔够，各位师兄自己考虑。我讲过我反而钟意佢细所以就冇所谓，好味最重要。
碟饭冇令我失望呀，豆腐咬开软滑新鲜有豆味。最欣赏个咖啡色茨汁，做到有好清香嘅蚝油味之外，唔会死咸或者油腻腻，厨师再加几条新鲜嘅葱去吊一吊味，真正做到色香味俱全兼夹有镬气。鱼柳讲真就麻麻，炸皮比较厚，而且食得出有味精。
奶茶免费送嘅，唔系最好最细滑顺喉果只，但系绝对见得人，好多其他茶餐厅嘅$20杯都未必有咁嘅水平，呢杯绝对收货。
题外话/补充资料：
九龙旧区绝对有一种特别嘅魅力，怀旧嘅食物之外，怀旧嘅环境都会触发人好多不同情怀。或者呢个就系香港嘅魅力之所在，对于土生土长嘅香港人，全世界都冇其它地方可以取代。
(以上食记乃用户个人意见 , 并不代表OpenRice之观点。)
张贴
