鐵路便當 (已結業)

铁路便当系由真 • 手足开嘅台式食肆，呢度最大嘅特点系性价比超高，便当五六十蚊劲大盒包埋饮品，小食十八蚊起跳。虽然平，但系质素一啲都唔失礼，酥炸排骨便当（山葵芥末）块排骨大到完全冚住个便当，一拎开，就见到底下铺满粉丝，冬瓜，卤蛋，酸菜，木耳等配菜，认真大件夹抵食。排骨同配菜味道较浓，但系唔会死咸，几滋味。再叫多三个小食，酥炸甜不辣同海山酱系绝配；台南炸虾卷（塩酥塔香）同夜市香肠就正常味道，后者如果多几块蒜片会更加正。唯一感觉麻麻系个宜兰三星葱贡丸汤，因为估唔到汤底系我唔钟意嘅凉瓜排骨汤，而且成个汤都唔系好揾到三星葱嘅踪影😐。食到将近打烊，成间店剩返我哋一枱，同负责人倾左阵偈，了解咗一啲情况。毕竟间店位置认真麻麻，热潮过后，能否继续生存，真系要靠口碑。