影片
更多
2024-09-16
4288 浏览
临近中秋节，又要烦恼去边到食中秋饭，上网见几多人话杭州酒家质素唔错，价钱又唔算贵，就约咗屋企人去𠮶度食。佢系楼上店，地方都算几大，装修优雅，比普通酒楼坐得舒服，当晚full booking都唔会话好嘈倾唔到计。杭州菜同上海菜都有啲相似，今晚都叫咗鲜肉小笼包（4只$36）、锅贴（4只$68）、熏鱼（$98）、素鹅（$78）同埋东坡肉（$228）。东坡肉炆到好腍好入味，好易夹开，佢配嘅薄饼都好软熟，夹埋东坡肉食无咁肥腻🤤小笼包皮够薄，但个馅就实咗啲，而个锅贴就调返转，个馅好食，但系个皮就厚啲。😂平时都系叫砂锅云吞鸡，今次叫咗砂锅腌笃鲜（$318）试吓。汤底味道好浓郁，饮得出煲咗好耐嘅汤，入面嘅咸肉好腍，饮一碗唔够喉🤭另外都叫咗啲杭州菜式，香干马兰头（$88）同埋糯米莲藕（$78），两款都好特别。马兰头冇乜草青味，同埋因为系前菜，所以系冻食，食落仲有啲麻油香。而糯米莲藕有啲似甜品感觉，莲藕好腍同糯米又几夹，同埋应该加左啲麦芽糖，所以有拉丝效果😍另外杭椒笃菜墨鱼几有惊喜，笃菜味道唔浓，但加落道菜就吊起鲜味，墨鱼又够弹牙，杭椒食食下都几辣，算系一道完全唔同味道嘅菜👍🏻香酥鸭（半只$178）望落好
佢系楼上店，地方都算几大，装修优雅，比普通酒楼坐得舒服，当晚full booking都唔会话好嘈倾唔到计。
杭州菜同上海菜都有啲相似，今晚都叫咗鲜肉小笼包（4只$36）、锅贴（4只$68）、熏鱼（$98）、素鹅（$78）同埋东坡肉（$228）。东坡肉炆到好腍好入味，好易夹开，佢配嘅薄饼都好软熟，夹埋东坡肉食无咁肥腻🤤小笼包皮够薄，但个馅就实咗啲，而个锅贴就调返转，个馅好食，但系个皮就厚啲。😂
平时都系叫砂锅云吞鸡，今次叫咗砂锅腌笃鲜（$318）试吓。汤底味道好浓郁，饮得出煲咗好耐嘅汤，入面嘅咸肉好腍，饮一碗唔够喉🤭
另外都叫咗啲杭州菜式，香干马兰头（$88）同埋糯米莲藕（$78），两款都好特别。马兰头冇乜草青味，同埋因为系前菜，所以系冻食，食落仲有啲麻油香。而糯米莲藕有啲似甜品感觉，莲藕好腍同糯米又几夹，同埋应该加左啲麦芽糖，所以有拉丝效果😍另外杭椒笃菜墨鱼几有惊喜，笃菜味道唔浓，但加落道菜就吊起鲜味，墨鱼又够弹牙，杭椒食食下都几辣，算系一道完全唔同味道嘅菜👍🏻
香酥鸭（半只$178）望落好似有啲干但食落唔会，而且佢起晒骨，个底仲炸到好脆口，同平时食嘅好唔同。见到有干炸响铃（$78）忍唔住叫，食落超松脆，又无油膱味，如果平时打边炉有呢只响铃就正啦🤣杭州炒饭（$128）好似平时杨州炒饭咁，但系佢系落咗豉油，食落嘅味道会丰富啲。原本叫上汤小菠菜（$108），但冇晒菠菜就转做苋菜，份量都算几多，苋菜亦都煮到好腍。
最后叫埋高力豆沙（4件$88），唔会好似其他店咁中间空心，入面有满满嘅豆沙馅，但又唔会太甜，有呢个甜品收尾好满足🥰
张贴
