粗菜館

营业中

休息中

系九龙城觅食，花多眼乱，终于决定嚟呢到试下d高胆固醇食品 : 猪杂。六个人叫咗都几多𩠌，但都全部扫清。记得嘅有:姜葱炒猪杂：极力推介，姜葱嘅香味令猪杂唔怕有一阵"so"味，而猪杂亦炒得火候刚好，生肠够脆，猪膶爽脆得嚟而入面够嫩，猪肚唔靭，好好食家乡煎鱼饼：叫咗一碟意犹未尽，再叫多一碟，一样食晒。鱼饼落足鱼肉，冇乜沟粉，够弹牙够鲜甜，煎（或者炸）得唔过火，外脆内滑，唔驶点蚬介都非常正。东坡骨：排骨用东坡肉嘅煮法，有ｄ人觉得甜咗一ｄ，但自己就觉得甜得嚟几讨好，而且个排骨炆得够骚软够淋。炒菜同鱼汤胜瓜：两个清清地嘅𩠌都几好，前者唔油而胜瓜清甜。口水鸡：唔系心目中四川式嘅口水鸡，主要用麻酱加ｄ辣油，钟意食辣肯定觉得唔够候，但味道都还ｏｋ。乳鸽: 鸽身都几大只，唔算"乳"鸽，个卤汁几好味，算唔错。地方虽然一般（我坐系楼下，唔知楼上点样），但食品水准真系好，而且招呼几好，价钱算相宜，会再试。