影片
更多
2024-10-04
3449 浏览
最近嫲嫲生日，谂住去间好少少嘅中餐庆祝，咁啱佢见到电视台介绍呢间叫金东大嘢蜑家菜，于是就去咗试吓。之前未食过呢啲水上人家嘢食，冇得benchmark，不过overall我觉得啲嘢食都几特别，唔系平时出面酒楼食得到嘅嘢，同埋都几好食，不过有啲𩠌就可能会浓味少少同埋多啲油/碳水，未必啱所有人口味。前菜嗌咗鸳鸯墨鱼饼，个墨鱼饼都几弹牙，但系又唔会韧到好似赵橡筋咁，嫲嫲都食到。我哋嗌咗菜味𠮶款，有墨鱼嘅鲜，亦都有啲咬口。食完之后好快嚟咗一轮主菜，嗌咗几样都觉得唔差。膏蟹蒸肉饼，经理话呢个系招牌菜，开头我觉得冇乜特别，但系食落就明点解枱枱都有嗌呢碟嘢。肉饼索咗膏蟹𠮶只鲜甜，令到佢有肉饼个口感之余又有蟹嘅umami。虽然讲到尾都系嫲嫲以前整嘅爱心莲藕肉饼好食啲，不过呢个都叫几好食，连埋豉油汁捞饭食亦都几夹。濑尿虾炒肠粉，虽然个卖相冇个肉饼咁有成只蟹喺只碟咁靓仔，但系反而有啲惊喜。炒完嘅濑尿虾够大只之余仲要脆皮，唔使用手都剥到壳，不过最好食反而系个肠粉，干身唔立但系又唔油，衬托到个濑尿虾，个配搭几好。食完呢几味之后其实已经有啲饱，所以之后上咗两个鱼都唔系食咗好多，不过都可以照讲吓。蒸石蚌鱼个鱼肉其实
前菜嗌咗鸳鸯墨鱼饼，个墨鱼饼都几弹牙，但系又唔会韧到好似赵橡筋咁，嫲嫲都食到。我哋嗌咗菜味𠮶款，有墨鱼嘅鲜，亦都有啲咬口。
食完之后好快嚟咗一轮主菜，嗌咗几样都觉得唔差。
膏蟹蒸肉饼，经理话呢个系招牌菜，开头我觉得冇乜特别，但系食落就明点解枱枱都有嗌呢碟嘢。肉饼索咗膏蟹𠮶只鲜甜，令到佢有肉饼个口感之余又有蟹嘅umami。虽然讲到尾都系嫲嫲以前整嘅爱心莲藕肉饼好食啲，不过呢个都叫几好食，连埋豉油汁捞饭食亦都几夹。
濑尿虾炒肠粉，虽然个卖相冇个肉饼咁有成只蟹喺只碟咁靓仔，但系反而有啲惊喜。炒完嘅濑尿虾够大只之余仲要脆皮，唔使用手都剥到壳，不过最好食反而系个肠粉，干身唔立但系又唔油，衬托到个濑尿虾，个配搭几好。
食完呢几味之后其实已经有啲饱，所以之后上咗两个鱼都唔系食咗好多，不过都可以照讲吓。
蒸石蚌鱼个鱼肉其实蒸得几鲜嫩，肉质鲜甜，拎嚟送饭一流，不过就咁食嘅话就真系有啲油。佢个咸鱼钵都系同样道理，捞埋落饭一齐食会好啲。我自己本身唔系特别钟意食咸鱼，因为感觉上唔系好健康之余，有时啲咸鱼真系可以咸到pk，要即刻饮水。不过个老板上菜𠮶阵话佢哋嘅咸鱼系自己屋企人生晒，煮𠮶阵又会连埋咸鲜鱼一齐煲，所以控制个盐嘅份量会好啲。唔知个老板吹水定点，但系食落个咸鱼又真系唔系好咸，所以我谂都可以俾住benefit of the doubt佢先。不过点都好，我觉得呢啲腌制嘢都系唔好食咁多，所以最后我哋都净系准嫲嫲食两旧就算。
整体嚟讲，我觉得呢度啲嘢系好食同埋好有特色，因为唔系其他地方食到嘅嘢，但系缺点真系太多淀粉，因为好多𩠌都要用个饭做载体去carry个𩠌嘅味出嚟。我自己就唔惯食咁多饭，最尾食到好饱，但系我会话想试啲特别少少嘅中餐嘅话，呢度值得一试嘅。
张贴
