牛站(駅)麻辣火鍋放題

营业中

休息中

今日嚟到位于尖沙咀嘅牛站食饭，依间系一间自助打边炉餐厅嚟，都几有名㗎，有几间分店。汤底方面，我哋就拣咗一个泰式汤底，汤底配虾，所以都几清甜，用嚟打边炉就啱晒啦。小食方面，餐厅有炸鱼皮，炸午餐肉等等可以选择，款式都几多。饮品方面，大部份都系可以任饮嘅，餐厅仲有提供珍珠奶茶等等嘅特色饮品添。我哋叫嘅呢个套餐，系可以点埋海鲜，我哋就叫咗蚝等等，味道都算几好。牛肉方面，我哋就叫咗牛舌同美国和牛等等，款式都几多，牛肉味特别香浓，肉质又够晒嫩滑。除咗牛肉之外，佢仲有少少熟食，包括芝麻鸡翼同埋乳鸽等等。芝麻鸡翼嘅外皮炸得好脆，入面仲保持到鸡肉嘅肉汁添。喺甜品方面，佢哋有雪糕任食。所以喺呢一方面佢哋都几慷慨，加上价钱又唔系贵，所以今餐都食得几开心。