Goobne Chicken (荃新天地)

营业中

休息中

之前幾次去其他分店都係食UFO芝士火鍋，今次想食點心，所以特登揀咗荃新天地呢間分店，感覺坐得幾舒服，而且近我朋友屋企，所以好方便。朋友話好想食烤雞，但係呢個朋友特別麻煩，唔鍾意食骨，剛好呢度有好啱佢食嘅無骨烤雞，我哋揀咗果味醬油蒜香烤雞 ，又香又甜，再加少少鹹味，絕對有umami flavors。呢隻味道真係會食完一舊想再食第二個，其實如果以後外賣返屋企睇住電視食都真係幾正。至於飲品方面，就要咗鯊魚之淚，唔單止樣貌好靚，打卡一流，連味道都唔錯，因為唔會死甜。後來我自己都加咗一份辣椒脆烤雞，不過今次就要咗有骨嘅，因為我自己覺得始終有骨嘅雞肉係比較嫩滑啲，呢度個辣椒醬汁嘅辣度亦都控制得剛剛好，加埋脆脆嘅外皮，真係會覺得自己去咗韓國食緊炸雞。食得韓國嘢就梗係要叫埋部隊鍋啦，Budae Jjigae 係我哋以前讀書年代最鍾意食嘅都可以話係窮人恩物，加上我朋友勁鍾意食sausage，而呢度個base亦都好濃郁。