影片
更多
2022-04-25
2700 浏览
今次嚟到尖沙咀Hyatt Regency嘅Hugo’s，试下佢嘅signature牛牛🥰餐厅装修好靓，一入门口已经感觉到好强烈嘅复古风情，而且楼底好高，一啲压迫感都冇。餐厅嘅左边系一个open kitchen，可以见到厨师努力准备菜式嘅过程，成个感觉十分之亲切😝Lunch时段，fixed咗只能够食set。但唔好睇少呢个set，入面份量都相当多🤣🤣Bread Platter为呢个lunch打响头炮嘅当然系一个丰富嘅面包拼盘😍今次有齐Onion Bread，Garlic Bread同Baguette。洋葱包外脆内软，入面有一层层嘅酥皮，口感好richy。洋葱油味系好香，不过食到最入面个芯先食得出，有啲唔够喉😂蒜蓉包正常水准，不过蒜蓉味唔够香，而且面包偏硬，适宜点汤食。最后嘅Baguette直情系硬过我条命，加上太多嘢食，直接放弃咗😂Seasonal Oyster男朋友点嘅生蚝，我就冇份食。不过据佢讲系高质嘅，虽然唔肥美，但好鲜甜，连柠檬汁都可以唔洗落。Selection from the Hors d’oeuvre Trolley一个好好玩嘅环节🤣会有人推个旋转餐车过嚟俾你拣想食咩👏🏻餐车
餐厅装修好靓，一入门口已经感觉到好强烈嘅复古风情，而且楼底好高，一啲压迫感都冇。餐厅嘅左边系一个open kitchen，可以见到厨师努力准备菜式嘅过程，成个感觉十分之亲切😝
Lunch时段，fixed咗只能够食set。但唔好睇少呢个set，入面份量都相当多🤣🤣
Bread Platter
为呢个lunch打响头炮嘅当然系一个丰富嘅面包拼盘😍今次有齐Onion Bread，Garlic Bread同Baguette。洋葱包外脆内软，入面有一层层嘅酥皮，口感好richy。洋葱油味系好香，不过食到最入面个芯先食得出，有啲唔够喉😂蒜蓉包正常水准，不过蒜蓉味唔够香，而且面包偏硬，适宜点汤食。最后嘅Baguette直情系硬过我条命，加上太多嘢食，直接放弃咗😂
Seasonal Oyster
男朋友点嘅生蚝，我就冇份食。不过据佢讲系高质嘅，虽然唔肥美，但好鲜甜，连柠檬汁都可以唔洗落。
Selection from the Hors d’oeuvre Trolley
一个好好玩嘅环节🤣会有人推个旋转餐车过嚟俾你拣想食咩👏🏻餐车入面都有相当多嘅选择，餐厅职员会逐样介绍一次，但最后佢哋都会提议每样夹少少俾你，可以按要求唔要某啲食物。入面有齐海鲜、沙律同冻肉，样样都新鲜，仲要大大份，食完都饱咗一半🤣
Lobster Bisque
图中份量系一开二嘅，因为实在惊食唔哂。汤好香浓，但唔会浓到好辛苦先吞到落口，同食到有龙虾肉！我就拣咗用埋啲包嚟点个汤嚟食🤣🤣
Roasted US Prime Rib
讲咗咁耐终于到主角出场🤣系有厨师会出嚟即时切俾你嘅，睇住佢用纯熟嘅手法切块牛出嚟都真系几治愈😍我哋拣咗食系五成熟，虽然肉嘅颜色仲系好红，但其实佢系刚刚好恰到好处，肉质鲜嫩，一啲韧都冇。不过隔离个Yorkshire Pudding就真系差啲，似一个淋咗嘅puff😂😂
Pan-seared Sea Bass
相对哋比较清淡嘅煎炉鱼，我就request咗汁要另上，因为唔想破坏咗鱼嘅鲜嫩。特别钟意佢面头嘅蒜片同红菜头薯片，好香好脆好开胃！对比起薯蓉我觉得呢啲蔬菜薯片更适合做sides🥳
Selection from the Dessert Trolley
同appetizer一样，甜品可以喺旋转餐车到拣。甜品有蛋糕同生果拣。基于太饱嘅关系，我只系拣咗少少生果同一个Cream Brulee，就完了！
最后仲有生日蛋糕作结，开心满足嘅一餐🥰😍99分Dining Experience
张贴
