潮饗

营业中

休息中

睇到有食评写到尼间野同北角梅花邨有关连，同朋友食过梅花邨两次，印象唔错，反正黎到坑口尼区都无咩野好食，就试下潮飨。餐牌价钱唔贵，我同朋友两个人又想试多点款，唔小心叫多左，4道菜，无谂过咁大份，结果都系食唔哂，眼阔肚窄。叫左咸菜猪肚汤、蚝仔粥、橙花骨、沙爹牛肉煲。咸菜猪肚汤好饮，大大煲又足料，系有点辣口，因为胡椒味重，不过饮多两碗觉得有点咸左少少。蚝仔粥，入潮洲店必叫既，蚝仔几鲜，清得哂成煲粥。橙花骨酸酸甜甜几好食，不过我地食唔哂😂😂太大碟了。沙爹牛肉煲惹味好香，不过都系咸左少少。总括来讲系值得推介，不过多一两个人食会好d, 价钱唔贵又可试多点野又唔会好似我地浪费左d食物。👍🏼👍🏼