饕客 (已結業)

系公司附近开了一间小店，坐位只能容纳5-6个人，睇嚟是专为外卖而设，见门前竖立左一个黑板，价钱平宜菜式吸引，我对薯角及焗饭特别钟爱，小店又刚好系卖呢类食品，见价钱唔贵所以都唔会有太大寄望。order 左一个黑松露芝士炒蛋牛角包配薯角及一个忌廉汤，都系收$21.00，牛角包烘焙过后好松脆，夹著生菜蕃茄炒蛋，食落后有淡淡的黑松露味道，薯角冇落盐，但系薯角上放左一啲香草，后加上一些蕃茄酱，好Yummy，呢份牛角包正之外，谂唔到连个忌廉汤都唔差，汤够热仲有好多蘑菇同埋栗米。另外叫左渔夫焗饭配麦皮鱼柳$38.00，估唔到焗饭里面藏左一只烚蛋，蛋一开半放系炒底饭上，再舖满磨菇青椒及芝士焗，麦皮鱼柳好脆又一啲都唔油腻，系推介之选。我同事就叫左一份火炙挪威三文鱼蛋包饭$32.00，佢都话好正，好抵食。总括嚟讲，系好满意嘅一餐，呢间小店会系我日后嘅饭堂，CP值非常之高。