溏串小町 (已結業)

以前黎食过，觉得好食，中午再黎食，原来转咗menu，平啲，但望落舖面就比较冷清，各位记得要多多支持呀。 我而家会形容佢系特色墙。 Menu 方面，午餐大约系$50-$60 左右，而寿司刺身呢啲当然会贵啲，但都系讲紧$78 / $108，加埋一都系算抵食嘅午餐。 野食方面，会跟沙律同面豉汤，而且会有茶，所以本身唔点饮品问题不大，不过为咗支持小店，都会点个茶碗蒸呀，炸猪肉饼。 至于主食本身，系好食嘅，分别食过咖哩吉列炸鸡丼同火炙杂锦丼。 咖哩味香，炸鸡份量都唔少，一个正常男人唔特别点追加都够饱。 火炙杂锦丼，一送到黎嘅时间好香，因为佢地仲会加芝士系上面，特别想提嘅，系佢地嘅wasabi 唔系用粉或者牙膏wasabi，系有一粒粒细粒嘅wasabi，刺身方面，除咗三文鱼，蟹柳丝，左口鱼，估唔到嘅系呢个价钱嘅火炙丼都会用上凡立贝，食材唔错唔错。 讲返室内装修，呢度会挂满日本特别嘅旗，有一角放咗日本漫画，而播紧嘅歌都系日本动漫嘅歌黎，相信店主本身系个好钟意日本动漫嘅人黎。 整体上用餐感觉非常唔错，而且侍应态度非常好，食晏会多啲黎呢度食，支持下。另外佢地都有做学生优惠，好似3人同行就有7折。