麻甩雞

营业中

休息中

麻甩鸡由几位年轻既麻甩仔主理，其实佢地一啲都唔麻甩，仲对煮食好有热诚，响繁忙时间，偶尔几个老板会齐齐落场，见佢地忙碌之中，互相挖掘笑料，排紧队等外卖时，也忍唔住笑出黎。麻甩鸡开左大概半年，久唔久加𩠌都会帮衬佢地，事关唔贵之余，啲鸡真系几好食几滑。满满鸡油香既油饭好好食，下次要加多盒净油饭先得。天气咁热，今日加左个手撕鸡冷面，几十蚊大大份，青bｂ既菠菜面望落已经好醒神，有屋企人原本唔食青瓜，佢居然唔知食紧青瓜，😂😂😂仲话咩面点解会咁爽既。酸辣凤爪系另１个每次必点菜式，佢个汁调得啱啱好，唔会酸到抢喉，呢ｄ小食好适合依家食，好醒胃。