德美壽司

营业中

休息中

香港人始终系香港人，对日本嘢食真系情有独钟，早排先喺黄埔食过德美，但系今日喺尖沙咀约咗朋友，突然间又好挂住佢嘅味道，于是就决定嚟尖沙咀呢间分店食晚餐。间餐厅嘅装修全部都系用木为主，都俾人一种好舒服嘅感觉，不过始终尖沙咀区好繁忙，所以一到晚饭时间一定要大排长龙。今次我哋叫嘅嘢当然都有返咁上下水准啦，简单啲嚟讲就系好食！小食就首先要咗一个紫苏沙嘴鱼海胆天妇罗，紫苏叶真系劲香，配埋酥脆嘅天妇罗就有一浸特别嘅香味，而海胆就令到入边更加creamy，更加好食，而我哋每人都选择叫咗一个dinner定食，朋友就要咗鳗鱼饭定食，鳗鱼好肥美，加埋酱汁同啲饭一齐食真系劲好食，蛋丝都好多，切得好细，真系好考厨师刀工，而我就要咗一个寿司定食配牛肉乌冬，总共都有六款寿司再加埋玉子烧，种类都算多，而且牛肉乌冬嘅牛肉都绝对冇蟹，乌冬汤底亦都唔会过咸，最主要就系其实都会配埋面豉汤，沙律同埋甜品。今日嘅甜品就系芒果奶冻，唔会太甜，都几清新，呢一餐真系好满足。