影片
更多
2024-05-20
80 浏览
随心华人喇沙海南鸡今日同朋友去鲗鱼涌做运动后就去食晚饭，鲗鱼涌都有好多食店，我个朋友就话记得附近有间好食又抵食嘅东南亚餐厅，有星加坡菜嘅海南鸡，亦有马来西亚菜嘅肉骨茶，这间餐厅叫随心华人喇沙海南鸡，位于鲗鱼涌海堤街6-16号龙景大厦地下4号舖，港铁鲗鱼涌站B出口，行几分钟就到，非常方便，我同朋友都好钟意食海南鸡，当然要入去食啦。这间餐厅室内装修都好靓好整洁，而地方亦宽敞，墙壁上有条海调鱼非常可爱，座枱有餐枱同卡位，座位都系梳化，令人坐得舒服，餐厅员工有礼貌，服务态度好，来这里食都唔错。这间餐厅有午餐、下午茶、晚餐提供，而午餐及晚餐价钱都唔贵，仲加几蚊就可叫埋杯饮品，好有价值，而二人餐同四人餐更正，尤其是二人无骨海南鸡餐，有半只无骨海南鸡配油饭及肉骨茶，仲可选一款小食或甜品，还有两杯冻热饮品。餐牌入边嘅食物相都影得靓，令人见到都好想食，餐牌仲有好几种食物推介，有肥牛喇沙、无骨海南鸡饭、马来炒面、咖央多士、星加坡炒贵刁，亦写明本店食物不添加味精，这间餐厅真系有好多好正嘅食物选择。我哋当然要点叫二人无骨海南鸡餐配油饭及肉骨茶，亦选咗一款甜品班兰椰子球，同饮品嘅柚子茶和柠檬薏米水。首先上枱系热
今日同朋友去鲗鱼涌做运动后就去食晚饭，鲗鱼涌都有好多食店，我个朋友就话记得附近有间好食又抵食嘅东南亚餐厅，有星加坡菜嘅海南鸡，亦有马来西亚菜嘅肉骨茶，这间餐厅叫随心华人喇沙海南鸡，位于鲗鱼涌海堤街6-16号龙景大厦地下4号舖，港铁鲗鱼涌站B出口，行几分钟就到，非常方便，我同朋友都好钟意食海南鸡，当然要入去食啦。这间餐厅室内装修都好靓好整洁，而地方亦宽敞，墙壁上有条海调鱼非常可爱，座枱有餐枱同卡位，座位都系梳化，令人坐得舒服，餐厅员工有礼貌，服务态度好，来这里食都唔错。
这间餐厅有午餐、下午茶、晚餐提供，而午餐及晚餐价钱都唔贵，仲加几蚊就可叫埋杯饮品，好有价值，而二人餐同四人餐更正，尤其是二人无骨海南鸡餐，有半只无骨海南鸡配油饭及肉骨茶，仲可选一款小食或甜品，还有两杯冻热饮品。餐牌入边嘅食物相都影得靓，令人见到都好想食，餐牌仲有好几种食物推介，有肥牛喇沙、无骨海南鸡饭、马来炒面、咖央多士、星加坡炒贵刁，亦写明本店食物不添加味精，这间餐厅真系有好多好正嘅食物选择。
我哋当然要点叫二人无骨海南鸡餐配油饭及肉骨茶，亦选咗一款甜品班兰椰子球，同饮品嘅柚子茶和柠檬薏米水。首先上枱系热辣辣嘅肉骨茶，这间餐厅嘅炖汤材料好丰富，汤嘅材料有冬菇、玉竹、党参、当归、红枣、甘草、胡椒粒，肉骨茶真系好有药材味道，但唔苦唔咸，饮起来令口感好香浓好味好饮，连埋几片油炸鬼一齐食非常夹。
跟住半只无骨海南鸡来，份量都唔少，睇落都见到皮滑肉嫩，海南鸡用上文昌鸡，鸡皮香浓，冇乜肥油，仲好爽滑，鸡肉质嫩滑多汁，鸡肉真系煮得好够滑，连鸡胸肉都唔觉得干硬，件件鸡肉都避开咗鸡骨，亦可加上三种特制酱汁来加味，特制酱汁是经典的辣椒酱、蚝油和姜蓉，可以更加突出鸡肉的鸡味，令整道海南鸡𩠌菜味道更加香浓，真系令人钟意食。而饮品柚子茶同柠檬薏米水都好好饮，柚子茶有独特诱人嘅酸甜香气，而柠檬薏米水有香柠嘅酸香味，令人饮落心情放松，亦好配合来食海南鸡，最后甜品班兰椰子球来了，像雪球一样漂亮，班兰椰子球嘅材料有糯米、椰浆、班兰汁、木薯粉及椰糖，糯米糍般烟韧，椰浆班、兰汁好有香甜味道，真系唔错嘅甜品。
这间东南亚餐厅食物质素都高，令人食得好滋味，而且价钱又唔贵，真系值得推荐比大家，特别系佢嘅无骨海南鸡，真系好好食。
张贴
