麻布茶房 (已結業)

星期日晚落大雨,同屋企人黎到麻布食饭,四个人叫左茶房风乌龙面,三色豚肉定食,梅子饭,蕃茄蛋包沙律,仲有一个不知名炸物小食...乌龙面最差,因为份量少得可怜,一个人都食唔饱啦!以前都唔系咁既!激死人!三色豚肉定食既三色,原来系猪肉,蛋丝,同埋冬菇丝,味道ok,但佢既汤竟然唔系面豉汤,只系如水般既清汤,连一粒豆腐仔都无,好吝啬呢!梅子饭略嫌酸左少少,不过我觉得粉既饭好靓靓!蕃茄蛋包沙律好特别架!蛋系热,蕃茄系冻,好多美味茄汁,只可惜蛋入面只系菜丝,寡左少少...估唔到最好味竟然系我地求其点既一客炸物,有炸蕃薯,炸年糕,同炸南瓜,最最好味系炸蕃薯,又香又美味,尤其紫心蕃薯,very good!而其貌不扬既炸南瓜意外地ok,虽然黑,但原来甜甜地,无试年糕,但应该可以卦!至于服务.我觉得几有效率.唔错!本来想试绿茶雪糕,但系落大雨且气温骤降,好冻呀!下次先啦!