潮滋味

营业中

休息中

小胖好钟意食皱皮肠粉，但香港有得食皱皮肠粉嘅小店并唔算太多，又要整得好食嘅更加少，咁啱今日去石门见到一间食潮州嘢嘅舖头，仲要有皱皮肠粉食，于是决定试下。小胖叫咗份潮式肠粉伴海丰小米，饮热绿茶(无糖)潮式肠粉的馅有: 蛋，生菜，冬菇，同埋猪肉碎， 佢嘅皱皮肠粉整得唔错，肠粉唔会太厚，粉浆调得几好，肠粉汁亦都唔会话过咸，黏度适中。肠粉的唯一缺点系佢嘅猪肉碎过咸，基本上如果你单纯食猪肉的话，要不停饮水，即使加埋肠粉去食都系有少少咸海丰小米其实就系类似潮州粉果嘅饺子，入面包住猪肉，和肠粉一样，猪肉亦都系有啲咸，要不停饮水，而且饺子外皮 有少少油。不过佢嘅饺子皮唔错，烟韧度几好，如果可以再薄少少会更好！ 佢嘅饺子可以点辣椒酱或者系蚝油，但因为实在太咸，点咗蚝油会超级咸，所以我唔建议点任何嘅酱汁，佢单食已经好够味道。小胖并没有喺小店入面食，不过小胖观察到佢嘅位置，唔算阔落不过都还可以，店员亦都十分亲切，而且出餐好快。整体来讲，呢间潮式小店嘅食物都ok，但如果猪肉嘅调味可以再淡少少会更好。