潮滋味

营业中

休息中

【沙田區】【潮滋味】我作為沙田友，大家都見我成日周圍食嘢，不過其實我係住沙田嘅，咁冇理由咁耐都唔講吓沙田嘅餐廳。行經過石門，見到呢間潮州嘢，初初以為又係嗰啲鹵水拼盤、鹵水鵝呀嗰啲，但係睇真啲佢原來完全唔係賣緊呢啲嘢。咁特別，自費都入去食吓啦。見到「腸粉套餐」好似抵啲，就叫 $56 嘅「潮式腸粉」同「海豐小米」10粒，始終係自己出錢，我作為孤寒 Foodie 就梗係睇住啲錢做人。個腸粉味道一般，個做法似大陸係吸引但個汁麻麻。而所謂嘅小米就係薯粉皮包住撈咗大地魚粉嘅豬肉，係幾特別嘅。跟住我仲破咗 $29 財叫多碗「牛肉餅湯」，牛肉餅就好似牛丸咁，只係佢打成餅狀咁解，之前都好似喺其他場合解釋過，味道正常。嘢飲我加 $12 飲「黑糖西米九毛膏」，即係海藻類嘅嘢，味道可以。夾埋用咗 $97 叫做食咗啲特別嘢，唔算好好食，特別囉。。。（地址：沙田石門安群街3號京瑞廣場1期1樓152號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodie

食嘢食到一肚氣真係第一次，有個帶黑色帽扎條好長馬尾嘅阿姐，態度非常差，又唔認錯聲大大，老闆娘知個員工有問題都冇處理過，點解可以有啲咁嘅服務？我真係未試過食到成肚氣

今日同朋友嚟到石門，去食一間以前由小店到而家做到成個石門無人不知嘅必食推介！⭐️香茜叉燒腸粉套餐 $53即叫即整嘅潮式手拉腸粉，滿滿嘅叉燒配上芫荽，口感豐富，香氣滿滿，而且腸粉又薄又滑，豉油唔會太鹹少少甜啱啱好！⭐️海豐小米（跟餐小食）每次嚟到都必食，外皮煙煙韌韌似粉果，內裏肉餡鹹香味足，配上蠔油同埋辣椒油無得輸👍🏻⭐️鹹麵猴$48口感煙靭嘅手搓麵團，配上花生芫荽菜脯魚片等等嘅配料，加埋鮮味十足嘅濃湯，成件事好圓滿！⭐️南乳雞翼之前店員推介食過相當有驚喜，所以每次都想叫嚟食，南乳味勁香，而且做到外脆內軟保留肉汁！⭐️仙草豆乳最近餐廳嘅新出品，奶茶就飲得多，仙草配豆乳就真係第一次飲，飲落又真係唔錯喎，豆乳冇奶茶咁甜，而且好適合一啲唔啱飲奶嘅人士！⭐️班蘭多士最後一定要講嘅就係呢一個多士，近期嘅新出品，只限堂食！而且一嚟到要盡快食，多士勁香脆，配上自家製嘅斑蘭醬，唔係講笑真係好好食！大家有機會嘅一定要試試，因為唔係成日有！

在石門行行下街肚餓，又唔想成日食西餐日本野，一於入去潮滋味食野。侍應好好服務，叫我地坐卡位，又幫我地抹枱。建議我地食小鍋麵（雖然係拉麵）我地叫左一個麻辣小鍋麵餐、南乳雞翼、牛腩腸粉、肉丸湯同埋兩杯凍飲。牛腩腸粉好大碟，牛楠好香，腸粉滑，唔錯。肉丸湯比較遜色、肉丸有魚皮餃嘅味道，湯比較淡似水。南乳雞翼特別好食，雞翼有好香嘅南乳味，脆得來都好入味，瞬間就食晒。最後麻辣小鍋麵，雖然係拉麵，但係個拉麵特別好食，好彈牙，而且裏面嘅肉都係酥脆，仲有娃娃菜，非常足料，好想試多碗。而且，做菜嘅嗰位姐姐行出嚟問我哋好唔好食，非常好客。最後埋單兩個人$200都唔使。真係會去再試多次做菜嗰位姐姐都話嚟緊會出甜品，下次一定要嚟試吓個甜品。

老闆娘簡直係不知所謂，明明係有問題都唔處理咗個客先就走去處理員工。有事逃避仲話等佢處理就死得啦，食完餐飯仲受氣過打工，明明受害者係客人，仲當正客人係想攞着數，簡直不可理喻，不知所謂。，以後都唔好幫襯佢。

大大話話都食咗六七年，第一次食到凍左既腸粉，食唔落口就係食唔落口㗎啦，仲可以同我反駁：冇理由會凍架喎，唔通我特登昆9你咩，又唔會多左隻蛋俾我🤷🏻‍♀️cls問佢有冇微波爐叮翻熱佢，冇諗住叫佢整返碟新嘅俾我，我都唔想嘥嘢，純粹凍咗唔好食，之後無啦啦發脾氣同我講咩以後人均40。。。關咩事，而且講真$40好多咩？你哋間舖頭食物質素有問題，竟然向返我發脾氣，犀利！每次過嚟淨係想食一碟腸粉都有問題？你哋開門做生意，做到趕客咁款，唔想人食腸粉咪講囉，喺門口大大隻字寫明唔俾淨係食腸粉呀笨，食咗咁多年，次次都係食完就走。自問你哋繁忙時間，我會主動叫兩碟，都未講你哋一碟售價同成本相差幾遠，以前鍾意食係因為食到細個嘅味道，依家食到嘅只有滿滿銅臭味。人均40🙄，人均40🙄，人均40🙄，聽都厭。第一次食到凍左既腸粉，都係最後一次。

之前喺附近返工 咁呢間嘢就變咗我飯堂啦以前佢未搬喺呢個舖位嘅時候 淨係做外賣我已經成日去捧場我覺得佢最好食嘅就係腸粉我鍾意食佢最經典嗰個腸粉加牛肉丸湯 然後再加杯嘢飲記得要係牛肉丸唔係牛肉餅 牛肉丸會比起牛肉餅爆汁啲佢會問你食唔食辣 佢嘅辣椒醬都幾香口之前有試過佢啲海豐小米 都好食嘅 但係我自己覺得如果一個人食小米實在係有啲太頂胃啦因為佢係用嗰啲水晶皮 食幾粒就好容易飽 同朋友share會好啲平時食我會比較prefer腸粉

我食左依間都over 5次，每次都叫腸粉套餐，夠飽夠重口味🤣🤣介紹一下我每次食腸粉嘅套餐🍽️【A6 麻辣手撕雞腸粉】💰$59▶️海豐小米10粒▶️ 凍茉莉綠茶🔥腸粉嘅辣度可以同職員講要大中小辣我覺得值得去食嘅👍🏻，係個腸粉係巢皮嗰款，明顯係人手拉嘅，而且個醬汁真係做又麻又辣，因為我食得好小辣，所以佢個小辣係做到適合我嘅辣度🔥海豐小米都好好味，潮州式嘅鹹香口感，而且食10粒夠晒飽，綠茶就好少甜，我覺得甜度係岩我既。

今日打算嗌外賣返公司食早10分鐘左右打電話過去叫定，去到就有得攞😆🥟鮮蝦鷄蛋腸 + 海豐小米 （配熱茉莉綠茶）外賣自取有九折，外賣加2蚊最後都平左$3我一去到就已經有得攞走☺返到公司仲係熱辣辣🤩鮮蝦鷄蛋腸粉係人手拉個種腸粉，食得出好滑蝦仁都有4-5粒，細細一只😯鷄蛋同腸粉混合埋一齊都幾搭，但係唔係每一條腸粉都有鷄蛋😥醬汁略嫌太多😬，有d太咸，醬裏面仲有d切碎嘅蘑菇粒🤔海豐小米幾特別係出面少有嘅菜色，search 過係香港有得賣嘅餐廳得兩間😯😲會附送埋辣椒有同蠔油，但係辣椒油倒瀉左🥲🥲🫗🌶️外皮係煙靭嘅水晶皮，外皮都有一定厚度😗裏面包裹住豬肉餡🐷唔好睇佢地細細粒，食玩都幾飽😛但係數數下我得8粒menu 明明寫住有10粒😥😰🤯午市套餐仲會附送一杯飲料🥤我叫左茉莉綠茶，好彩佢地係無糖茶食完解解膩係個不錯嘅選擇👍👍👍

極度之差！態度更加唔需要講，趕客原本想加個菜 問員工有無菜，答我無晒但跟我尾入個枱客（應該系去食開or識個員工）問有無菜，竟然可以有菜供應比人地既😯咩理由？擺明想趕客，定系唔想做生意？

之前約女同事PM食晏,佢話22-5-2023 (Mon)食,佢揀咗呢間,因為想食菜茶同鹹湯圓,我哋嚟到時都重有位,坐低後話要菜茶,但原來要星期三同六至有.由於我哋唔識潮洲嘢,就問侍應同樣$48.00一份嘅鹹湯圓同鹹麵猴係咩嚟?佢答前者係糯米粉做,後者係麵粉,兩樣都冇餡.我哋又問小米係咩嚟?佢答有肉餡.我想食腸粉,馬鮫魚丸(因為之前喺荃灣嘅牛鼎記食過好好食,食評係2022年8月24日刊登嘅呢篇: https://www.openrice.com/zh/hongkong/review/%E6%9C%89%E5%95%B2%E5%98%A2%E8%A6%81%E7%95%99%E6%84%8F-e4511883)同小米,但PM細食,會唔晒,咁我又問潮式腸粉有咩餡?佢答有蛋同豬肉.攪完一輪,PM要鹹湯圓,但廚房話俾侍應知冇鹹湯圓,咁佢就要份鹹麵猴加凍茉莉綠茶.我就要$53.00嘅腸粉套餐,要潮式腸粉+馬鮫魚丸湯,要熱茉莉綠茶.落完單後,兩杯嘢飲到嚟,我覺得冇乜茉莉花香,普通.味道:2.5分然後鹹麵猴同馬鮫魚丸湯到嚟,侍應問我哋要唔要碗仔?我答要.之後我哋開餐喇.兩碗嘅湯應該係一樣,有胡椒味但又

坐低－陣，我忙住處理小朋友，呀媽只不過問下個職員個餐係點，包乜野飲之類，我冇乜理佢哋，個女職員豪不客氣對我哋講「人均消費四十」，我呆左，唔係人均消費幾多嘅問題，你冇寫明都冇問題，係態度惡劣問題，再補多句「唔計你細路，人均消費四十」，心諗乜事咁惡呀😣🤷🏻‍♀️坐低咗，費事咁肉酸起身走，仲有個小朋友係度。硬食個差態度，冇拿拿俾人鬧咁，等我處理埋個小朋友，我都有叫野食。但呀媽食完好唔開心，真係以後唔幫襯。

真的没得说，第一次和女朋友来香港旅游我们俩都是潮汕人，也好久没有吃家乡的东西了，本来以为可以回味一下，结果实际体验太差劲了，不仅店员在玩手机而且这个肠粉除了粉厚，料完完全全就是两块三块的那种尤其是叉烧和鲜虾，大大小小两三块三四粒要是吃粉我们还不如去吃饭还有那些滋水又咸只能吃出味精赚钱起码赚个良心钱还有菜茶的汤根本喝不出来有什么味道就像是只加了味精除了料多一点，饮品不仅少而且还贵很多，感觉就是去贴钱的

同同事係石門做完野 又到左醫肚時間☺️係個商場兜左幾個圈♻️發現呢間係 特別多人排隊 👯‍♂️👯👯‍♀️所以我地就決定食呢間 睇下咩料子咁勁先🧐🧐🍴小米（粿）🏵️潮州特式菜之一🏵️一份有1️⃣0️⃣粒外型有啲似 迷你版潮州粉果不過餡料就有啲唔同 呢個入面剩係得肉煙煙韌韌咁 幾有咬口 🍴馬鮫魚丸湯 走芫茜又一樣潮州先有既野食 🏵️馬鮫魚丸🏵️魚丸好重魚味 偏向淋身 唔係彈牙個種好彩偷望左隔離檯 見到勁多芫茜唔記得走芫茜就大件事🫣🍴牛肉丸湯 走芫茜個湯底同馬餃魚丸湯一樣 餐牌寫牛肉丸 我地以為係 牛肉球咁既樣煮湯😂但原來即係牛丸🫣牛丸幾爽口彈牙 怕魚腥味既 建議揀牛肉丸湯🍴潮式腸粉好豐富既腸粉有菜🥬 有蛋🥚 有肉🥩 有冬菇🍄 仲有好多汁腸粉滑口 加埋配料 又有啲咬口 幾好食🍴九毛膏有啲似涼粉🤔 但係變左透明姐姐話有清熱既功效 唔知真唔真🫢餐廳應該幾正宗 同埋好多熟客仔個個一坐底 餐牌都唔洗睇 直接order🤨🤨

第一次食菜茶（其實本身係未聽過LOL）入面有大量蔬菜、粉絲、冬菇、臘腸、臘肉、蝦米啲米係似米通質地，但食到最後會發到淋哂所以建議一開始食下啲未浸湯嘅，個口感會好得意🤩湯比較偏咸，但味精感唔算好重健康得黎又好食😋欣賞不過留意返佢係星期三同六先有