麵館皇

营业中

休息中

今晚黎開新蒲崗呢邊，天氣凍凍哋，見到佢有藥膳湯底嘅麵，就一入食下啦。特級手切牛頸脊藥膳拉麵先飲個湯，熱辣辣得黎，個藥膳味道好平衡，唔會話過重藥材味，牛頸脊幾軟腍，牛肉味幾重，拉麵爽口彈牙。加左$12 要一隻藥膳糖心蛋，隻蛋好流心，淡淡藥膳味好香。加$12香酥炸小雲吞，總共有10粒，一口一粒，炸得酥脆得黎又唔會好油。加$18白灼菜芯，都大碟。花雕醉雞藤椒麻醬拌麵個麻醬味好香濃，少少麻辣味令食慾大增，個醉雞酒味平衡得啱啱好，加$5就可以轉做雞髀，啲雞肉好嫩滑，所以性價比好高。另外仲叫左一杯豆漿同埋一杯凍檸樂，豆漿都幾厚身👍👍。