影片
更多
2018-09-20
85 浏览
观塘Mela Italian & Spanish Cuisine 森仔又带吃货女友去揾食啦。今次去到观塘嘅Mela Italian & Spanish Cuisine 餐厅其实位于观塘和牛头角中间嘅工厂区。系工厂大厦嘅地下。系牛头角果边B6出口行过去，会快好多，大约行6分钟度。好，讲下餐厅个环境先。六个字简单干净企理。虽则位于工厦地下，但环境好宁静好舒适，唔会有压迫感，系间几有情调嘅西餐厅，又啱拍拖又啱同一班fd聚餐倾计。因为唔系好想食甜品又想试多少少想食嘅嘢，就选择决定唔嗌啲二人餐，选择咗单点多。PS感觉大set系抵食嘅。入返正题先😂😂我哋叫咗一个主菜再加$68转set有埋巴拿火腿沙律、餐汤同嘢饮。嘢饮唔系得普通茶同咖，系有啲餐牌上嘅都可以拣☺出面好多餐厅系要加钱先有得转，真系好好👍🏻最后我女朋友仔就跟原定计划要咗杯热嘅拉花cappuccino❤味道偏苦但好饮，咖啡控女友表示好饮同抵饮！有样有内涵㖞🤣另外，个沙津上面有几块巴拿火腿，平时我唔好火腿，但呢个火腿真系好好食！口感嘅韧度、质感都好正，系咸咸地，但女友怕咸都唔抗拒，食完想再食；沙律啲菜好鲜甜，好fresh，咬落好脆。上面加咗啲
森仔又带吃货女友去揾食啦。
今次去到观塘嘅Mela Italian & Spanish Cuisine
餐厅其实位于观塘和牛头角中间嘅工厂区。系工厂大厦嘅地下。
系牛头角果边B6出口行过去，会快好多，大约行6分钟度。
好，讲下餐厅个环境先。六个字简单干净企理。虽则位于工厦地下，但环境好宁静好舒适，唔会有压迫感，系间几有情调嘅西餐厅，又啱拍拖又啱同一班fd聚餐倾计。
因为唔系好想食甜品又想试多少少想食嘅嘢，就选择决定唔嗌啲二人餐，选择咗单点多。PS感觉大set系抵食嘅。
入返正题先😂😂我哋叫咗一个主菜再加$68转set有埋巴拿火腿沙律、餐汤同嘢饮。嘢饮唔系得普通茶同咖，系有啲餐牌上嘅都可以拣☺出面好多餐厅系要加钱先有得转，真系好好👍🏻最后我女朋友仔就跟原定计划要咗杯热嘅拉花cappuccino❤味道偏苦但好饮，咖啡控女友表示好饮同抵饮！有样有内涵㖞🤣
另外，个沙津上面有几块巴拿火腿，平时我唔好火腿，但呢个火腿真系好好食！口感嘅韧度、质感都好正，系咸咸地，但女友怕咸都唔抗拒，食完想再食；沙律啲菜好鲜甜，好fresh，咬落好脆。上面加咗啲黑醋，甜甜地酸酸地几开胃架！至于个份量都好够两个人食！
餐汤个味道同口感好特别，试唔出用咩料整，不过系有少少酸酸地。
开始讲下主菜喇！首先我哋嗌咗个非常足料嘅西班牙海鲜饭，呢个系佢地嘅招牌菜嚟。呢个饭用铁锅上，可以keep住个温度热热地，唔会因为冻晒而唔好食。个饭又煮得啱啱好，唔太硬唔太淋，而芡汁同饭捞得啱啱好，个汁有香浓嘅海鲜味，配搭得好好。配菜有好多虾，蚬同鱿鱼，啲海鲜又甜又肥美又新鲜又烟韧，超抵食！特别系个蚬，无沙系重点！亦未见过肉质咁厚咁大只，味道又一流嘅蚬！煮得好食而又带到个鲜味出味真系第一次食到！
第二个主菜系鲜蚬手制扁意粉，大大只嘅蚬肉同上面海鲜饭一样，肉质鲜甜肥美，不过呢味嘅蚬就食到少少辣味同有少少蒜味 。煮法同配料唔一样，带出嘅味道当然唔一样，但一样带到鲜味出嚟，证明佢地系调味同煮嘅过程都处理得好好。至于个手制扁意粉质感软硬适中，比坊间嘅扁意粉薄身，口感好爽，带到意粉嘅麦味😋好香嘅辣蒜味！🤤
劲大盆嘅黑松露薯条，两个人食真系会食唔晒😭因为呢个薯条系粗条薯条，入面好多薯蓉，好易饱肚😂黑松露酱几正，质地同味道都啱啱好，唔系好稀又唔会好稠，唔太浓又唔太淡，薯条脆卜卜又唔会好油，薯味好重好正，炸得好好，无论配茄汁定系黑松露酱都好，都系好正。
鸭肉鸭肝酱芝士香葱炸小丸子，肉丸好大粒，入面系满满实心嘅鸭肉，好香好浓郁嘅鲜鸭肉味。个外皮炸得好香脆。个酱好好食，唔太浓稠，似系搞拌咗嘅蓉，可以点埋个薯条。🤣
最后追加咗杯菠萝汁，食咗咁多炸嘢，有杯juice饮下会舒服啲🤗
张贴
