更多
2021-10-01
1112 浏览
平日经过坚尼地城呢间小店,黄昏时间好多时都人头涌涌,都会有条人龙排队买外卖,心入面已经记住有机会要来呢一度买招牌卤水鹅试吓😝今日晚餐时间经过,发现人不多,老公又想食卤水鹅,我哋就一人点一份卤水鹅片饭(无骨)外卖,另外,外卖饭盒附送仲例汤一份👍🏻鹅片饭份量好大,有八片卤水鹅,另外仲有三件豆腐,同埋少量酸菜,饭嘅份量都好多。卤水鹅片入味,酸菜非常开胃,卤水鹅片嘅汁好夹啲饭,成个饭盒都好好味😋另外,例汤系蕃茄萝卜汤,清甜好饮,感觉冇咩味精,下次会再试下呢度其他嘢食。
张贴