影片
更多
2019-07-10
644 浏览
同个好耐无见嘅朋友响铜锣湾周围行吹下水，讲讲下已经夜晚九点几；又唔系好饿但又想坐低食啲嘢继续倾下偈，朋友就介绍左永光中心嘅塩玉居酒屋食串烧。我都几钟意食串烧，虽然热气，久唔久食下都唔错。哩间塩玉我系第一次去。可能因为系星期日晚九点几 + 楼上舖，我地上到去唔算多客人，一入就有位，我地要坐吧枱，服务员当然话无问题。食串烧，可以的话梗系坐吧枱，可以望到师傅做嘢，又可以听到师傅介绍下啲串烧，系完全另一种饮食体验。先来一杯日本K字头生啤，行到热热地，饮下啤酒即刻凉爽哂。唔系好饿，小试牛刀，先叫左几款串烧黎试下。鸡肾 / 鸡软骨：好食! 烧得啱啱好，外面又香又脆，而且盐烧，只用盐轻轻调味，一啲都唔复杂，食到佢个食材味道同爽口嘅质地。烧鸡翼: 又系好食，虽然平时我系唔会食鸡皮，但哩个都忍唔住偷食左少少 (个三角位)，外皮烧得脆，而入边啲鸡肉仲要烧得啱啱好，仲可以保持又滑又够肉汁。鸡肝: 哩个系汁烧，烧汁味浓，都好食嘅，不过唔系香口𠮶啲质感，肝味都好重，但绝无内脏腥味。烧鸡心 (食左一粒): 之前去另一间串烧 X亭，成日都想食鸡心，但成日都好快卖哂...哩个盐烧鸡心最开心就系食到爽口嘅心肌肉! 食食
我都几钟意食串烧，虽然热气，久唔久食下都唔错。哩间塩玉我系第一次去。可能因为系星期日晚九点几 + 楼上舖，我地上到去唔算多客人，一入就有位，我地要坐吧枱，服务员当然话无问题。食串烧，可以的话梗系坐吧枱，可以望到师傅做嘢，又可以听到师傅介绍下啲串烧，系完全另一种饮食体验。
先来一杯日本K字头生啤，行到热热地，饮下啤酒即刻凉爽哂。唔系好饿，小试牛刀，先叫左几款串烧黎试下。
鸡肾 / 鸡软骨：好食! 烧得啱啱好，外面又香又脆，而且盐烧，只用盐轻轻调味，一啲都唔复杂，食到佢个食材味道同爽口嘅质地。
烧鸡翼: 又系好食，虽然平时我系唔会食鸡皮，但哩个都忍唔住偷食左少少 (个三角位)，外皮烧得脆，而入边啲鸡肉仲要烧得啱啱好，仲可以保持又滑又够肉汁。
鸡肝: 哩个系汁烧，烧汁味浓，都好食嘅，不过唔系香口𠮶啲质感，肝味都好重，但绝无内脏腥味。
烧鸡心 (食左一粒): 之前去另一间串烧 X亭，成日都想食鸡心，但成日都好快卖哂...哩个盐烧鸡心最开心就系食到爽口嘅心肌肉! 食食下，见到墙上边个黑板写有烧香鱼(Ayu)食，问下师傅仲有冇，居然仲有一条，咁当然要即刻叫，因为虽然佢系哩个季节嘅鱼，响日本夏季食怀石有时都会食到，但香港就唔系度度都有得食。
烧香鱼: 哩个要等耐啲，条鱼一上枱，服务员就介绍个汁系用左香鱼出没嘅河边生长嘅草(唔记得叫咩名)黎做，系师傅再加左其他材料自家制嘅点鱼汁。微微citrus味唔太酸，除左可以点鱼肉之外，仲可以点鱼肝食，因为香鱼肝好多人觉得苦，但就系哩只甘甘地嘅味，加埋酸汁就非常好食。不过要小心，因为好多细骨。
食串烧，一边食一边饮一边倾下偈的确唔错。不过今次只系食烧物类，我见佢餐牌其实仲有好多和食同埋空运刺身，所以下次一定要再黎食埋其他嘢。其实楼上舖真系有好多好嘢，不过唔知头唔知路好难会荡到上去，或者一抬头望水牌咁多餐厅亦唔知边间好；所以食到好嘢不妨要多啲介绍比朋友。
张贴
